SAMUEL 2 12:16 - Alkitab Singog In Mongondow Masa In Tanaa

¹⁶ Bo nosambayang in ki Daud kon i Tuhan sinbá mopia in adí tatua. Nopuasa in sia bo pomuḷoi in doḷom tumonggobii monag sia in umuḻid mako kon taḷog in gopotnea.

SAMUEL 2 12:16 ပူးပေါင်းရင်းမြစ်များ

SAMUEL 2 12:15

Nopaḷut mako kon tua nobuidon in ki Natan kon baḷoinea. Ki adí ḷoḷaki i Daud inta pinononggadí i Batsyeba ki baḷú i Uria, kinotugatan in takit podudui in ibog i Tuhan.

SAMUEL 2 12:22

“Oo,” tubag i Daud, “totuubí kon akuoi in nopuasa bo nongombaḷ kon dodai in adí tatua nobiagpa sin akuoi in norai: degá bo totabionpabí i Tuhan in akuoi bo ogoi-Neapa in adí tatua mobiag.

SAMUEL 2 13:31

Sinimindog in ki Datu, bo nomerak kon ḷambungnea sin nokuyangdon totok in ginanea, bo inumuḻidon kon taḷog. Bayongan in pogawainea dinumudui domandon nomerak kon ḷambung monia.

DATU MITA IMITÁNEA 21:27

Naonda in ki Elia nopaḷut nosingog, ki Ahab nomerak kon ḷambungnea bo nomaké in sosapi nobaḻí tomponuot kon nomanasaḷ, bodongka nopuasa. Kon mosiugkabí in sia yo momakébí doman in sia in sosapi, bo aka mayá, pogotnea in umurandon molamurú.

NEHEMIA 1:4

Nokodongogmai kon habar tatua, iḻimitú in akuoi bo nongombaḷ. Tongonumai nosinggai norobonoḷ totok in ginaku. Akuoi in umuran mopuasa poḷat mosambayang kon i Allah,

ESTER 4:16

“Sipundon in bayongan intau in Yahudi inta kon Susan bo sambayangai in akuoi. Dika mongaan bo monginum in toḷu nosinggai bo toḷu nogobii in koonggotnea. Akuoi tontaní bo mongodeaga mita inta nobantung kon inakó in mopuasabí doman. Mopaḷut mako kon tua akuoi in mayá kon tayowon i datu, umpakabí ḻimimpat tua kon undang-undang. Aka akuoi bo musti matoi popisí intua, dá biódon mako in akuoi matoi!”

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 69:10

Ibogku in tumagab popisí in tabiku kon Baḷoi-Mu, rebeg in intau inta moningkuḻe kon ini-Mu noitugat kon inakó.

YESAYA 22:12

Kon tungkuḷ intua ki Tuhan Inta Totok in moḷantud bo Inta Totok in mokawasa nopotabá kon i monimu nongombaḷ bo nogamui, nongarug kon buok bo nogibintoḷ.

YESAYA 26:16

Iko ain nohukum kon i nami; kon bonu in roriga kami in nobui mangoi kon ini-Mu, bo nosambayang kon ini-Mu, Tuhan.

DANIEL 6:18

Nopaḷut mako kon tua batu moḷoben tobatú pinoḻingkop kon bibig in angob tatua, bo ki datu in nocap kon batu tatua nopomaké in cap in dodatuan bo cap in intau mita moḷoben, dá diádon tobatúmai in intau in mokopoḷuat kon i Daniel nongkon singa mita tatua.

DANIEL 9:3

Bo nosambayangdon totu-totuu in akuoi kon i Tuhan Allah, bo nopoigum in totabi-Nea. Akuoi in nopuasa bo nogiḷambung in ḷambung karong bo iḻimitú kon tudu in ḷobud.

YUNUS 3:9

Degá bo baḷuianbí i Allah in niat-Nea bo diádon tumorú dá kita in diádon moyopú!”

OUMAN IN RASUL MITA 9:9

Toḷu nosinggai sia in diá nokoontong bo solama intua diá doman nongaa-ngaan bo diá doman nonginu-nginum.

YOSUA 7:6

Noajar totok in gina i Yosua bo gina in itoi mita in umat Israel dá mosia nomera-merakdon kon pakeang monia, bo kino ouputdon in singgai dapot in doḷom mosia sinumungkud kon tayowon in Poti Dodandian i Tuhan poḷat nopoinggú in ḷobud kon uḷu monia nobaḻí tompoingat kon noajar totok in gina monia.