SAMUEL 2 12:11 - Alkitab Singog In Mongondow Masa In Tanaa

¹¹ Akuoi in mongibot kon mopoumabí in bodito kon inimu inta mamangoi nongkon motoḷuadímu tontaní. Gamáan-Kubí in ki buḷoimu mita koonto-ontongmu mako bo ogoi-Ku kon intau ibanea inta mosiug takin monia kon dodai in singgaipa.

SAMUEL 2 12:11 ပူးပေါင်းရင်းမြစ်များ

SAMUEL 2 15:10

Táe munadon in sia nopotabá in totabá mita kon bayongan in suku Israel takin nodia kon koyow, “Aka mokodongog in moiko kon singog in torompet, yo pomaḷúdon, ‘Ki Absalom ain nobaḻí datu kon Hebron!’ ”

SAMUEL 2 15:14

Bo noguman in ki Daud kon bayongan in pogawainea inta kon Yerusalem, “Koḻigai in kita mayádon nongkon naa. Tongádon naa in daya sinbá mosaḷamat in kita nongkon i Absalom. Diádon moonggot bo mamangoi in sia. Koḻikatdon, sinbá diá kobatukannea in kita bo taḷowonnea, dá bayongan in intau kon kotá in ḻimodon!”

SAMUEL 2 15:6

Natuata in aid i Absalom kon bayongan in intau inta mamangoi mopongadu in pelekaranea kon i datu, bo aidnea tatua in mogamá kon gina in intau in Israel.

SAMUEL 2 16:11

Bo ki Daud in noguman bui kon i Abisai bo kon bayongan in bobantungnea, “Ki adíkupa tontaní in moḷongasidon moḻimod kon inakó; yo nongonu sin moiko in moherangbí in mokoontong kon dodia in intau in Benyamin tanaa? Ki Tuhanbí in nopotabá kon inia mogodi-godimai kon inakó; tuamai in dikadon onuon monimu in sia bo pomayádon mako in sia mogodi-godimai.

AYUB 31:10

dá pomayádon mako in ki buḷoiku modungú kon kaanon in intau ibanea; bo pomayádon mako in ḷoḷaki ibanea in mosiug takinnea.

YEHEZKIEL 14:9

Aka nabi tobatú bo inuboḷandon dá nobogoidon in tubag noitaḷá, yo Akuoibí in inta ain nonguboḷ kon inia. Akuoi ki Tuhan Inta Totok in moḷantud in nopoyayúdon kon inia nongkon intau mita in Israel.

ULANGAN 17:17

Datu in diábí motaau kobuḷoi kon mobayong, sinbá sia diá monoḻikud kon i Tuhan. Sia in diábí doman motaau mosipun kon saḷaka ande buḷawan sin baḻíonnea kaoyúonannea tontaní.

ULANGAN 28:30

Aka moiko diá motoindudui kon i Tuhan Allahmu, tanaa mita in moiuma kon inimu: Moiko in mongantangbí, táe intaubí ibanea in mobuḷoi kon i kantangmu. Moiko in moposindogbí in baḷoi, táe diábí utunanmu intua. Moiko in momuḷabí kon gobá in anggurmu táe diábí moikaan kon bungainea mita.