SAMUEL 2 11:27 - Alkitab Singog In Mongondow Masa In Tanaa

²⁷ Onda intua naonda in nopaḷutdon in pinonogumatoian tatua, binayá pinoki gamá i Daud in bobay tatua bo dinia mangoi in komaḻig bo binaḻídon i Daud ki buḷoinea in sia. Tongonumai nobuḷan noiduduimai, nopononggadí in sia in adí ḷoḷaki tobatú. Táe kinodoíbí i Tuhan in aid i Daud tatua.

SAMUEL 2 11:27 ပူးပေါင်းရင်းမြစ်များ

KINOBAḺIAN 38:10

Gogutúnea tatua nokopomuká kon torú i Tuhan, bo ki Tuhan nomatoi doman kon inia.

SAMUEL 2 12:9

Nongonu sin iko in diábí noindoimai kon parenta-Ku mita? Nongonu sin inaidanmubí in moraat ná tatua? Ki Uria in pinoki ḻimodmubí kon bonu in parang; pinomayámudon mako in sia iḻimod in intau in Amon, bo ginamámu in ki buḷoinea!

SAMUEL 2 15:26

Táe aka doídon in ki Tuhan kon inakó, dá taaudon kon i-Nia onu in popoaid-Nea kon inakó!”

DATU MITA IMITÁNEA 21:16

Ḷagidon minayá in ki Ahab bo nogamá kon gobá in anggur tatua nobaḻí gobánea.

DATU MITA IMITÁNEA 21:20

Naonda in ki Ahab nokoontong kon i Elia, sia in noguman, “Ei musung, imbuitnea nouḻímudon in akuoi!” “Totuu,” tubag i Elia. “Sin ki Tuang in takin ḻimbatú in gina nogaid kon inta moraat kon tayowon i Tuhan,

TAWARIKH 1 21:7

Kinodoíbí i Allah in pinogiapan tatua bo ihukum-Nea in intau in Israel.

MAZMUR 5:6

Doíbí in Iko in moindoi kon intau inta mokaḷakuang, kinodoí-Mubí in intau inta momia kon inta moraat.

AMSAL 6:29

Tua in notongkaibí in mosiug takin buḷoi in intau ibanea. Ki ine in mogaid kon tua diábí kotaḻiban in hukuman.

YESAYA 29:15

Moboditodon in intau inta moḷongasi mobuni kon tomayánea kon i Tuhan! Mogaid in mosia takin umuni-uni, bo kai monia kamai diábí tobatúmai in nokoontong andeka nonotaau kon onu inta ain inaidan monia.

OMBAḶ 3:36

popisí in inta moadil sinuui, yo notantúbí kon ki Tuhan in nonotaaubí bo noindoi mako.

ULANGAN 22:29

Kon pelekara tatua in ḷoḷaki tatua musti moguboḻi kon i amá in mongodeaga tatua in bogoi kon tonibuḷoi ḻima nopuḷú in doit saḷaka in kobayongnea. Mongodeaga tatua in mustibí umuran mobaḻí ki buḷoinea sin sia in pinakisadon nosiug takinnea bo kon bonu in kobiagannea sia in diábí motaau gaaton.

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.