SAMUEL 2 11:26 - Alkitab Singog In Mongondow Masa In Tanaa

²⁶ Naonda in kinodongogan i Batsyeba kon ki buḷoinea in minatoidon, nonogumatoidon in sia.

SAMUEL 2 11:26 ပူးပေါင်းရင်းမြစ်များ

KINOBAḺIAN 27:41

Dá ki Esau nosaturudon kon i Yakub pinopisí in ki amánea ain nobogoi in barakatnea kon i ai-ainea tatua. Kon bonu in raiannea, “Diádon moonggot bo ki amánea in matoi bo bain mopaḷut mako kon kopatoian, ki Yakub ḻimodonku!”

KINOBAḺIAN 50:10

Naonda in mosia nodapot kon tampat pobobantingan in intau kon gandum kon Goren-Haatad, kon dotá in pomukaan kon Ongkag in Yordan, mosia in nongombaḷ takin kuyang in gina bo takin doman ombaḷ moropot. Ki Yusup nomia kon pinonusaan, pitu nosinggai in koongotnea.

SAMUEL 2 11:25

Ki Daud in noguman kon totabá tatua, “Irotonaidon in gina i Yoab bo pogumandon kon inia kon dikadon moajar in ginamu, sin diábí kotaauan mongo ki ine in matoi kon bonu in parang. Pogumandon kon inia sinbá umuran kotoyangon in monubu kon kotá tatua dapot in kotá tatua tumungkud.”

SAMUEL 2 14:2

tuamai nokioiní in sia in bobay mobijaksana tobatú inta nogutun kon Tekoa. Naonda in bobay tatua noyaput mangoi, noguman in ki Yoab kon inia, “Ki iná in musti ki ubo-uboḷmaidon nonogumatoi; pogiḷambungdon in ḷambung pinonogumatoian, bo dika momaké in ḷana mobondu. Pomiadon naonda bo bobay inta ain noonggot in nongombaḷmai kon kinopatoian in intau inta totok in kinotabinea.

SAMUEL 2 3:31

Onda intua ki Daud nomarenta kon i Yoab takin intaunea mita sinbá momisí kon ḷambung monia, bo moḷutud kon ḷambung in pinonogumatoian bo mogamui sin kinopatoian i Abner. Bo kon dodai in nogatod kon mayat, ki Datu Daud in minayá doman kon tumimai in poti in mayat.

DATU MITA IMITÁNEA 21:16

Ḷagidon minayá in ki Ahab bo nogamá kon gobá in anggur tatua nobaḻí gobánea.

ULANGAN 34:8

Kon rata in Moab intau mita in Israel mongombaḷmai kon i Musa bo nonogumatoi toḷu nopuḷú nosinggai in koonggotnea.

SAMUEL 1 31:13

Bayongan in tuḷannea sinipun bo iḷobong kon siungonmai in pangkoi in tamariska kon kotá tatua. Onda intua nopuasadon in mosia pitu nosinggai in koonggotnea.