SAMUEL 2 11:11 - Alkitab Singog In Mongondow Masa In Tanaa

¹¹ Tubag i Uria, “Tontara in Israel bo Yohuda mopotarudon in kobiagan monia kon parang bo Poti Dodandian i Tuhan kotaki-takin monia; ki Yoab itoi nami takin porwiranea mita in nononḷoḷaigan kon tampat popoparangan. Yo umpaka akuoi in tongá mobui kon baḷoi, bo mongaan monginum poḷat mosiug takin i buḷoiku? Popisí in nyawa i Tuang bo nyawaku, yo diábí pomiaanku intua!”

SAMUEL 2 11:11 ပူးပေါင်းရင်းမြစ်များ

SAMUEL 2 11:10

Soaḷ tatua pinotaaudon kon i Daud. Dá noḻibó in sia kon i Uria, “Iko nion in bagupabí nobui nongkon bobayáan moyayú, nongonu sin diábí nobui kon baḷoimu?”

SAMUEL 2 14:19

Guman i datu, “Ki Yoab degá in nopotabá kon inimu?” Tubag in bobay tatua, “Podoyon kon nyawa i tuangku, bobantung in diábí momayow kon onu inta iḻibó i Tuangku. Totuubí Tuangku, ki Yoab ain nopotaau kon bobantung naa onu inta musti pomiaan bo singogon in bobantung naa.

SAMUEL 2 20:6

Onda intua ki datu in nogumandon kon i Abisai, “Ki Seba tua in mokosusa-susabímai kon inaton moiḻiu kon i Absalom. Tuamai in diádon in intauku mita bo batukdon in sia, sinbá diá modapot in sia in mokoḻitú kon kotá mita inta dininding, bo mokoḷagui kon inaton.”

SAMUEL 2 7:2

Dá nogumandon in ki datu kon i Nabi Natan, “Indoiai, akuoi in nogutun kon komaḻig inta pinomia nongkon kayu ḷokuyú in Libanon, bokaka Poti in Dodandian i Allah in tongábí sinagú kon bonu in ḷoḷaigan!”

SAMUEL 2 7:6

Pinangkoipamai in bangusa in Israel pinoḷuat-Ku nongkon Mesir nodapot in tanaa, diápabí kon dodai in onda in Akuoi nogutun kon bonu in baḷoi tobatú, táe umuranbí modondaḷoi magí mako bo mogutun kon ḷoḷaigan tobatú.

PINOGIAPAN 32:6

Tubag i Musa, “Umpaka yo moiko in tongábí mogutun mako kon naa, bo intau mita inta tobangusamu in mayá moparang?

YOHANES 13:14

Dá aka Akuoi inta Guru bo Tuhanmu nondaritdon kon sioḷ monimu, yo moiko in mustibí doman mosidaritan kon sioḷ.

TIMOTIUS 2 2:12

Aka kita bo motaba, yo kita in moyotakin-Neabí doman momarenta. Aka diá akuon naton in Sia, yo diábí doman akúon-Nea in kita.

SAMUEL 1 1:26

Ki Hana in noguman kon i Eli, “Ampung, Amá. Kinotoropanpa i Amá in akuoi? Akuoi naa in bobay inta koḻipod inontong i Amá sinimindog kon naa, nosambayangmai kon i Tuhan.

SAMUEL 1 14:18

“Podiadon kon epod tatua mangoi,” guman i Saul kon i Imang Ahia. (Kon singgai tua ki Ahia in nodia kon epod tatua kon tayowon intau in Israel.)

SAMUEL 1 17:55

Naonda in ki Saul nokoontong kon i Daud minayá nomarang kon i Goliat, noḻibó in sia kon i Abner itoi in tontaranea, “Abner, ki adí i ine in sia?” “Diábí kinotaauan in bobantungmu naa, Tuang datu,” tubag i Abner.

SAMUEL 1 20:3

Ki Daud in notubag, “Kinotaauanbí totok i amámu kon iko in motabibí kon inakó. Dá notantú bidon kon diábí potaaunea kon inimu in soaḷ tatua sinbá diá moajar in ginamu. Naondaka doman, podoyon kon i Tuhan inta nobiag, totuubí kon kobiaganku naa in naonda bo natu kon ḷuntung in tungoi!”

SAMUEL 1 25:26

Ki Allah ain nogimaḷow kon i Tuangku motuḻí bo moḻimod kon musung mita i Tuang. Bo tanaa Tuangku, podoyon kon i Tuhan inta nobiag, bobantung naa in mongibot, igumon mako nasib in bayongan musung i Tuangku bo bayongan in intau inta moibog momia kon mokobodito kon i Tuangku in mobaḻídon ná nasib in Nabal.

SAMUEL 1 4:4

Bo nopotabádon in mosia kon intau minayá in Silo sin mogamá kon Poti Dodandian i Tuhan inta nobaḻí tampat pomomarentaan i Tuhan Inta Totok in Mokawasa. Ki adí i Eli doyowa, ki Hopni bo ki Pinehas, dinumudui doman kon Poti Dodandian tatua.