SAMUEL 2 11:1 - Alkitab Singog In Mongondow Masa In Tanaa

¹ Datu mita biasamai in mayá moparang kon sempo in pononubú in kayu. Bo kon sempo in pononubú in kayu kon taong tatua nopotabá in ki Daud kon i Yoab minayá noparang takin porwiranea mita bo bayongan tontara in Israel; bo nonaḷow in mosia kon intau in Amon poḷat noḻibut kon kotá in Raba. Táe nogutunpa in ki Daud kon Yerusalem.

SAMUEL 2 11:1 ပူးပေါင်းရင်းမြစ်များ

SAMUEL 2 10:14

Naonda in inontong in intau in Amon kon tontara in Siria noḷagui, dá noḷagui domandon in mosia kon i Abisai bo inumundok sinumuot kon kotá. Naonda in nonubu kon intau in Amon, ki Yoab nobui kon Yerusalem.

DATU MITA IMITÁNEA 20:22

Onda intua nabi tatua in namangoi kon i Ahab bo noguman, “Tanaa, maníka in ki tuang in mobui bo dugangan kon ropot bo poḷat monompia bui kon tomayá, sin ki datu in Siria in buibí mamangoi monubu kon sempo in pononubú moiduduimai.”

DATU MITA IMITÁNEA 20:26

Kon sempo in pononubú noiduduimai nopotabádon in sia in tontaranea bo nopobayá ná kotá in Apek sin monubu kon intau in Israel.

TAWARIKH 1 20:1

Kon sempo in pononubú noiduduimai, kon tungkuḷ in datu mita biasamai mayá moparang, ki Yoab in nonongganutdon kon tontaranea bo nogagow kon butá in Amon. Kon tungkuḷ intua ki Datu Daud in umuranpa kon Yerusalem bo diá dinumudui. Ki Yoab bo tontaranea in nongopung kon kotá in Raba, bo nonubu poḷat nomayong kon kotá tatua.

TAWARIKH 2 36:10

Kon pinoyoḻimbanan in taong, ki Datu Nebukadnezar nogakut kon i Yoyakhin pinobayá in Babel nobaḻí intau inta dinakop, bo pakakat mita inta koboḻi kon Baḷoi Tuhan in dinianea doman. Onda intua ki Nebukadnezar noduí kon i Zedekia, pokuamáan ki Yoyakhin, nobaḻí datu in Yohuda bo Yerusalem.

MAZMUR 60:9

Gilead bo Manasye Akuoi in kitogi, Epraim in sapoyo uwaja-Ku, bo Yohuda in tungkud in dodatuan-Ku.

MOHOHUTUBA 3:8

Ki Allah in nonantú kon wakutu motabi bo wakutu mondoí, wakutu moparang bo wakutu moyodame.

YEREMIA 49:2

Táe moiangoibí in wakutunea baḻíon-Ku in intau inta nogutun kon Raba, ki iná in kotá in Amon tatua, mokodongog kon kokow in parang. Kotá tatua in mobaḻídon rumbunnea bo ḻipú mita kon diugnea in modait mopokak. Bo Israel in mogamá bui kon butánea nongkon intau mita inta dungkuḷmai nogagow.

YEREMIA 49:3

Ei intau in Hesybon, pongombaḷdon sin kotá in Ai in norimumudon! Ei bobay mita in kotá in Raba, pogamuidon! Pogidaingdon in daing karong tomponuot kon morobonoḷ in gina. Poribatukdon magí mako sin motoboḻingo. Milkom dewamu in akutonbí pobayá in poḷumbúan moyotakin in imang mita bo pojabat mita in pomarentanea!

AMOS 1:14

Tuamai, potabá-Kubí in tuḷú kon dinding mita in kotá in Raba, bo momokak komintan kon bentengnea mita. Kon tungkuḷ intua kodongogandon in dowawá in parang, bo parang tumagabdon naonda bo deḷang.

ZAKHARIA 14:3

Bo ki Tuhan in mayá bo moparang monayow kon bangusa mita tatua, ná inta pinomia-Nea dungkuḷmai.

ULANGAN 3:11

Ki Datu Og naa in intau in Repaim inta pangabisan. Poti mayatnea pinomia nongkon batu, kobanatnea in opat nometer bo kooḷadnea in gogió bo doyowa nometer podudui in ukuran inta ain sinantú. Umaai in tanaa motaaupabí indoian kon Raba, kotá in intau in Amon.)

SAMUEL 1 18:30

Pomuḷoi in aka tontara in Pilistin mamangoi monubu, i Daud in mobayo-bayong in ḻimodon nongkon porwira mita i Saul inta ibanea. Dá totokdon in ponango-nangoian in ki i Daud.