SAMUEL 2 10:6 - Alkitab Singog In Mongondow Masa In Tanaa

⁶ Onda intua intau in Amon nosadardon kon aid monia tua in nokopomukádon kon saturu i Daud kon i monia. Tuamai in nonondan in mosia kon 20.000 in tontara in Siria inta nogutun kon Bet-Rehob bo Zoba, bo 12.000 in tontara nongkon Tob, takin datu in butá in Maakha bo intaunea 1.000.

SAMUEL 2 10:6 ပူးပေါင်းရင်းမြစ်များ

KINOBAḺIAN 34:30

Ki Yakub noguman kon i Simeon bo kon i Lewi, “Moiko mokopororigamaidon kon inakó. Tanaa intau in Kanaan bo intau in Peris bo bayongan intau kon butá kon naa moyaatdon in gina monia kon inakó. Intau mita naton tongábí topiḻik; aka komintan intau kon naa motobatú komintan moḷawang bo monubu kon inakó, yo bayongan buḷoi, adí bo ginaḷum naton modaitbí moyopú.”

SAMUEL 2 10:5

Táe mosia in mooyá in mobui kon butá monia. Naonda in pinotaau kon i Daud in onu inta nobaḻí tatua, nokidia in sia in koyow sinbá totabá mita tatua in mogutun kon Yerikho modapot in kumi monia mobiagdon bui.

SAMUEL 2 10:7

Naonda in kinodongogan i Daud intua, nopotabá in sia kon i Yoab takin bayongan in tontaranea minayá nonubu kon musung.

SAMUEL 2 16:21

Tubag i Ahitopel, “Bayádon kon buḷoi mita i amá i Tuangku inta sinaḷáan sin moḷukad kon komaḻig, bo posiug takin i monia. Bayongan in Israel in monotaaudon kon pongin oaid i Tuangku natua, dá ki Tuangku in inanggapdon musung i amá i Tuangku. Dá bayongan dumodudui i Tuangku in modugangdon mobarani.”

SAMUEL 2 8:3

Noiduduimai kon tua nonaḷow in ki Daud kon i Datu Hadadezer adí i Rehob inta nomarenta kon Zoba, dodatuan tobatú inta kon diug in Damsyik. Kon tungkuḷ intua ki Hadadezer kon bonu in binayáan sin mopoguḻit bui in kawasa nea kon butá inta kon diug in uḷuan in Ongkag in Eprat.

SAMUEL 2 8:5

Intau in Siria nongkon Damsyik nopotabá mangoi in tontara sin motuḷung kon i Datu Hadadezer. Táe sinaḷow i Daud in mosia poḷat noḻimod kon 22.000 in intau nongkon i monia.

DATU MITA IMITÁNEA 11:24

Ki Datu Daud in nokoimontandon in nonaḷow kon i Hadadezer tanaa bo noḻimod kon yobayat mita i Hadadezer nongkon Siria. Kon dodai intua ki Rezon in noḷagui nongkon i Hadadezer bo nosipun kon intau mita bo nobaḻí itoi in ḷagu-ḷagui. Sia bo intaunea mita in minayá in Damsyik bo nogutun kon kotá tatua. Kon tua intaunea mita noduí kon inia nobaḻí datu in Siria.

DATU MITA 2 7:6

Sin, ain binaḻí i Tuhan intau mita in Siria nokodongog kon singog naonda bo ponubuan in paanan in tontara inta mobarong totok inta sinumakoi kon kabaḷo bo kereta. Intau mita in Siria tua in norai kon ki datu in Israel ain nonondan kon i datu in Het bo Mesir takin tontaranea sin monubu kon i monia.

MAZMUR 48:4

Ki Allah in nogutun kon komaḻig-Nea mita, noniata magí Siabí tontaní in moḷoḷukad-Nea.

IḶUAIAN 5:21

Dá mandor mita tatua in noguman, “Kinotaauanbí i Tuhan in oaidmu nion! Hukumondon i Tuhan in moiko! Popisídon in moiko dá kami in kinodoídon i datu bo pogawainea, dapot in mosia moḻimodon kon inami.”

AMSAL 25:8

Dikabí ḻimika-ḻikat in modia kon pelekara kon pongadilan; sin, aka kon singgai moiduduimai bo noniatamai ikobí in noitaḷá yo onupa in motaaumu aidan?

YEREMIA 40:8

Dá ki Ismael ki adí i Netanya, ki Yohanan ki adí i Kareah, ki Seraya ki adí i Tanhumet, bo ki adí mita i Epai nongkon Netopa, bo ki Yezanya nongkon Maakha minayá takin intau mita monia kon i Gedalya kon Mizpa.

YEREMIA 46:21

Nodapot in tontara mita inta sinoko tondanannea in diádon mokopongonu nádon ki adí in sapi inta noiḻiudon in ḷongó. Mosia in diádon mokotongod. Komintan momurow bo moḷagui sinbá mosaḷamat. Singgai pohukuman kon i monia in noyaputdon; wakutuneadon mosia koantugan in bodito.

ULANGAN 3:14

Yair nongkon suku Manasye nogamá kon bayongan wilayah Argob, inta nongkon Basan nodapot in pinosigadan Gesur bo Maakha. Sinangoiannea in ḻipú mita tatua pinodayan kon tangoinea tontaní, bo dapot in tanaa mako umuranpabí kinotaauan saḷaku ḻipú mita i Yair.)

HAKIM MITA 11:3

Tuamai in ki Yepta nonaḷámaidon kon i utatnea mita bo minayá nogutun kon butá in Tob. Kon tua topaanan in intau moraat dinumugang kon inia bo minayá in mosia nogagow.

HAKIM MITA 11:5

Naonda intua nobaḻí, intau mita inta sinongguyanga kon Israel inta kon Gilead minayá bo nonongganut kon i Yepta nonaḷámaidon kon butá in Tob.

SAMUEL 1 13:4

Pinotaaudon kon bayongan in bangusa in Israel kon ki Saul ain noḻimod kon itoi in tontara in Pilistin tatua bo intau in Pilistin totokdon in moyaat in gina kon intau in Israel. Tuamai rayat in dinumuduidon kon tongganut kon moyotakindon i Saul kon Gilgal.

SAMUEL 1 27:12

Táe ki Akhis in nopirisayabí kon i Daud bo norai kon bonu in ginanea, “Sia tua in totokbí in kinodoí in bangusanea tontaní, dá pakisadon in sia nobaḻí bobantungku kinoouputbí in kinobiagannea.”