SAMUEL 2 10:5 - Alkitab Singog In Mongondow Masa In Tanaa

⁵ Táe mosia in mooyá in mobui kon butá monia. Naonda in pinotaau kon i Daud in onu inta nobaḻí tatua, nokidia in sia in koyow sinbá totabá mita tatua in mogutun kon Yerikho modapot in kumi monia mobiagdon bui.

SAMUEL 2 10:5 ပူးပေါင်းရင်းမြစ်များ

SAMUEL 2 10:4

Bo ki Hanun in nodomok kon totabá mita i Daud tatua, nongarug kon kumi monia toḷosi, nomongkó kon pakeang monia nodapot in kayang, bodongka pinotabá nobui.

SAMUEL 2 10:6

Onda intua intau in Amon nosadardon kon aid monia tua in nokopomukádon kon saturu i Daud kon i monia. Tuamai in nonondan in mosia kon 20.000 in tontara in Siria inta nogutun kon Bet-Rehob bo Zoba, bo 12.000 in tontara nongkon Tob, takin datu in butá in Maakha bo intaunea 1.000.

DATU MITA IMITÁNEA 16:34

Kon tungkuḷ in pinomarentaan i Ahab, kotá in Yerikho pinosindogdon bui i Hiel intau in Betel. Táe ná inta ain pinoguman muna i Tuhan pinongin i Yosua ki adí i Nun, ki Hiel kinobuḻian i adínea doyowa: ki Abiram inta guya-guyang in minatoi kon dodai in ki Hiel nogukatdon kon pondasi in kotá, bo ki Segub inta ai-ai in minatoi kon dodai in ki Hiel noposindogdon in bonawang mita in kotá tatua.

TAWARIKH 1 19:5

Táe mooyá in mosia in mobui, dá minayá in mosia kon Yerikho. Naonda in pinotaau kon i Daud intua, nokidia in sia in koyow sinbá totabá mita tatua mogutunpa kon Yerikho moidapot in mobiagdon bui in tampeng monia.

YOSUA 6:1

Ḷoḻingkop in kotá mita in Yerikho totokdon in iḷukadan komintan bo iḻingkopan kinopira sinbá intau in Israel diá mokotuot. Diá tobatúmai intau in ogoi tumuot ande ḷumuai kon kotá tatua.