SAMUEL 2 10:16 - Alkitab Singog In Mongondow Masa In Tanaa

¹⁶ Bo ki Datu Hadadezer nokioiní in intau in Siria inta kon dotá in pomukaan kon Ongkag in Eprat, dá namangoidon in mosia kon Helam kon bonu in tongganut i Sobakh, tongguḷu totokan in tontara i Datu Hadadezer nongkon Zoba.

SAMUEL 2 10:16 ပူးပေါင်းရင်းမြစ်များ

SAMUEL 2 10:15

Kinotaauandon in intau in Siria kon sinaḷowdon in mosia in intau Israel, tuamai in nogoiní in mosia kon bayongan in tontara monia sinbá moyosipundon bui.

SAMUEL 2 10:17

Nokodongogmai kon natua, baḷúdon in ki Daud nosipun kon bayongan tontara in Israel, bodongka iḷumoḷan kon Ongkag in Yordan, onda intua minayá in Helam. Kon tua intau in Siria nonompia kon pipidan monia bo minayá nonubu kon tontara i Daud.

DATU MITA IMITÁNEA 11:23

Binaḻí doman i Allah in ki Rezon, adí i Elyada, nosaturu kon i Salomo. Ki Rezon in ata inta noḷagui nongkon i Tuangnea inta ki Datu Hadadezer nongkon Zoba.

TAWARIKH 1 18:3

Onda intua ki Daud nonaḷow kon i Hadadezer, datu kon Zoba kon diug in butá in Hamat kon butá in Siria. Kon tungkuḷ intua ki Hadadezer kon bonu in binayáan sin mayá mongawasa kon butá inta kon diug in uḷuan Ongkag in Eprat.

TAWARIKH 1 18:5

Intau in Siria nongkon Damsyik nopotabá in tontara sin mobantung kon i Datu Hadadezer, táe sinaḷow i Daud in mosia bo noyompat kon 22.000 in intau.

TAWARIKH 1 19:16

Intau in Siria nonotaaudon kon mosia in sinaḷowdon in intau in Israel. Dá nogoiní in mosia kon tontara monia inta nongkon butá kon dotá in pomukaan kon Ongkag in Eprat bo nopotabá kon tontaranea tatua minayá noparang kon bonu in tongganut i Sobakh tongguḷu totok in tontara i Hadadezer datu in Zoba.