SAMUEL 2 1:26 - Alkitab Singog In Mongondow Masa In Tanaa

²⁶ Yonatan, uḻe utatku, monakit totok in ginaku, sin moḷoben totok in mangaḻemu kon inakó. Tabimu kon inakó in totuu motuḻid, nodapot in noiḻiubí kon tabi in bobay.

SAMUEL 2 1:26 ပူးပေါင်းရင်းမြစ်များ

SAMUEL 2 1:27

Aindon minatoi in intau mita inta mobarani. Diádon in mangaḻe in pakakat in parang monia!”

AMSAL 18:24

Oyúon in yobayat inta diá mosatia, oyúon doman in modagi-dagin nongkon utat.

SAMUEL 1 19:2

tuamai in noguman in sia kon i Daud, “Ki amáku moḷongasi moḻimod kon inimu; dá pokoingatdon! Pogadopdon in ikoḷom doḷo-doḷom kon tampat inta noiadop, bo pogutunpa kon tua.

SAMUEL 1 20:17

Dá kon induaneadon in ki Yonatan nopoigum kon i Daud modandi kon monotabibí kon inia, sin sia in motabi kon i Daud ná kotabinea kon awaknea tontaní.

SAMUEL 1 20:41

Naonda in adí tatua minayá, ki Daud iḻumuai nongkon tumimai in guntuḷan batu tatua, bodongka nosumba kotoḷu. Pinomayá sia andeka ki Yonatan, tumpaḷa nongombaḷ kon dodai in taya dua nongongayokan. Kuyang in gina i Daud in moḷobe-ḷoben nongkon kuyang in gina i Yonatan.

SAMUEL 1 23:16

Ki Yonatan in minayá nokipodungkuḷ kon inia kon tua sin mogin rigon kon pirisayanea kon sia in ḷukadanbí i Allah.