SAMUEL 2 1:23 - Alkitab Singog In Mongondow Masa In Tanaa

²³ Ki Saul bo ki Yonatan, totuu mopia in pososingog bo kinotabi; umuran motobatú kon bonu in nobiagpa nodapot in minatoidon; mosia in moḻika-ḻikat in ḷagapan garuda, moropo-ropot nongkon singa batánea.

SAMUEL 2 1:23 ပူးပေါင်းရင်းမြစ်များ

SAMUEL 2 1:24

Ei, bobay in Israel, ombaḷaidon in ki Saul, datu tobatú! Inta nopoḷambá kon inimu in pakeang nopura inta mopia totok, Bo nopoḷambá in buḷawan permata kon inimu.

SAMUEL 2 2:18

Ki Adí i Zeruya taya toḷu in kon tua doman, inta ki Yoab, ki Abisai bo ki Asael. Ki Asael naa in pororibatuknea in moḻikat naonda bo rusa,

SAMUEL 2 23:20

Porwira tobatú inta ponango-nangoian ibanea in ki Benaya adí i Yoyada intau in Kabzeel. Totok in sia mobarani. Intau doyowa inta totok in mobarani nongkon Moab iḻimodnea. Nokoimontandon in kon dodai in singgai oyúon in oḷú inta mokompo-kompoḷ, sinumuot in sia kon bubú tobatú, bo noḻimod kon singa tobatú kon tua.

TAWARIKH 1 12:8

Kon tungkuḷ in ki Daud kon tampat poḷoḷukadan inta kon padang gurun, nobayong in pojuang inta ponango-nangoian bo inta kopongalaman nongkon suku in Gad namangoi dinumugang kon inia. Mosia tua in pojuang mita inta mongopandoi mopomaké in kaḻeaw bo pandong; mosia tua in koontongan mongobarani komintan naonda bo singa bo ḷoḷampang monia in mokaḻet naonda bo rusa.

AYUB 9:26

Naonda bo uangga moḻikat, kobiaganku moitaḻib moḻikat totok, ná koḻikat in ḷagapan boniá monampí, modomok kon kokaanonnea.

AMSAL 30:30

Singa, mahaḷuk inta totok in moropot kon sigad in bayongan mahaḷuk bo diá moondok kon onuka;

DONDONG MOḶANTUD 5:16

Totuu mokosanang in pososingognea, bayongan yagi-yagi kon inia mokoangá. Natuata batoḷ in dodob bo yobayatku, ei mongodeaga mita in Yerusalem!

YEREMIA 4:13

Indoiai, musung in moitukat ná goḷom. Kereta mita in parangnea in naonda bo deḷang, kabaḷonea mita in moḻika-ḻikat nongkon ḷagapan boniá. Ado, mobodito in kita! Moputú in kita!

OMBAḶ 4:19

Mogogaḷow kon inami in totokbí in moḻikat koḻikatnea in noiḻiu kon ḷagapan boniá. Mosia in nondudur kon inami kon buḷud, bo noḷabot kon inami kon padang gurun.

ULANGAN 28:49

Bangusa tobatú inta diá komangaḻean monimu in tosingogon monia popoangoi i Tuhan nongkon toḷosimai sin moḷawang kon i monimu. Ná ḷagapan boniá in mosia monampí kon i monimu.

HAKIM MITA 14:18

Dá, kon singgai noginpitu kon dodai in mata in singgai diápa sinumoyop, intau mita in kotá tatua noguman kon i Simson, “Onu in moromi-romimit nongkon biluk? Bo onu doman in moropo-ropot nongkon singa?” Ki Simson notubag, “Aka moiko diá nopongata kon i buḷoiku, yo diábí kinotaauan monimu in mangaḻe in tangkí tatua!”

SAMUEL 1 18:1

Naonda in ki Saul bo ki Daud nopaḷut nongonguman, ki Daud binaḻí i Saul pogawainea bo pinangkoidon kon singgai tatua sia in diádon inogoi nobui kon baḷoi in guyanganea. Ki Yonatan adí ḷoḷaki i Saul, ain nokodongog kon pinongonguman monia tua. Nopia doman in ginanea kon i Daud, bo kinotabinea in ki Daud ná kinototabinea kon awaknea tontaní.

SAMUEL 1 20:2

Tubag i Yonatan, “Dika mosingog kon natua! Podoyon kon i Tuhan, iko in diábí koḻimodan. Ki amáku in umuranbí mopotaau kon inakó in bayongan in tomayánea, pinomayá inta moponting, andeka diá. Dá diábí doman bunionnea kon inakó in makusudnea tatua. Tuamai, onu in siningogmu tatua in diábí totuu!”