SAMUEL 2 1:16 - Alkitab Singog In Mongondow Masa In Tanaa

¹⁶ Guman i Daud kon tayowmobiag intau in Amalek tatua, “Ikobí tontaní in nopoḷabú in hukuman matoi kon inimu tontaní takin nongaku kon ain iḻimodmu in ki datu inta piniḻí i Tuhan!”

SAMUEL 2 1:16 ပူးပေါင်းရင်းမြစ်များ

SAMUEL 2 1:10

Dá dinimiug in akuoi kon inia, bo poḷat noḻimod kon inia, sin kinotaauanku kon aka moumpag in sia sin diádon moropot in simindog, yo notantúbí kon matoibí domandon. Bo ginamáku in sapoyo in datu nongkon uḷunea bo ḻingkit nongkon kokaḷnea, bo diniaku mangoi kon i Tuangku.”

SAMUEL 2 16:8

Iko ain nogagow kon dodatuan i Saul! Tanaa in iko in ihukumbí i Tuhan sin noḻimod kon nobayong totok in inanakan i Saul. Ki Tuhan ain nobogoi in dodatuanmu kon i Absalom ki adímu. Tanaa in kopatoidon in iko, ei moḷoḻimod!”

DATU MITA IMITÁNEA 2:37

Aka iko mokobaḻí ḷumuai bo mayá ḻimimpat kon tapá in Ongkag in Kidron, yo iko in mustibí ḻimodon; bo ikodon tontaní in motanggung kon taḷá tatua.”

AYUB 15:6

Diá bidon paraḷu in iko poponapudanku bo potaḷáan, sin pinongin tosingogonmu tontaní iko in pinongadu.

AMSAL 6:2

Bo degá iko in noitogotdon kon onu in siningogmu bo noibaaḷdon kon dandimu tontaní.

YEHEZKIEL 18:13

Sia in mopoḷuan bo moigum kon rente. Yo degá mobiag in intau natua? Diá! Sia in nomiadon kon bayongan in oaid inta mokorongó tua, bo sia in matoibí! Sia in matoi popisíbí in aidnea tontaní.

IMAMAT 20:16

Aka bobay tobatú mokipaké kon mahaḷuk, dá bobay bo mahaḷuk tatua musti ḻimodon. Mosia matoi popisí in oaid monia tontaní.

IMAMAT 20:27

Bayongan intau ḷoḷaki ande bobay inta umuran mogoiní kon dimukud mita inta ain minatoi yo musti ara bo in batu modapot in matoi. Intau tatua in matoi popisí in oaidnea tatua.”

IMAMAT 20:9

Ki Tuhan nobogoi in atorang mita tanaa, “Intau inta mogodi-godimai kon i amánea ande kon i inánea musti hukumon matoi. Sia matoi popisí in taḷánea tontaní.

MATIUS 27:25

Bayongan in intau inta kon tua in notubag, “Pomayádon mako bain kami bo ki adí nami in motarima kon hukuman kon kopatoian-Nea!”

LUKAS 19:22

Dá datu tatua in noguman kon bobantungnea tatua, ‘Ei bobantung inta moraat! Poduduidon in singogmu mita tatua dá hukumonku in iko. Kinotaa-taaumubí mako kon akuoi naa intaubí inta totok motogat bo inta moibog mogamá kon onu inta deeman kapunyaanku bo inta moibog doman mokoyut kon inta deeman pinomuḷaku.

OUMAN IN RASUL MITA 18:6

Táe barang intau mita kon tua umuran moḷawang poḷat moningkuḻemai kon inia, dá sinoko topiranneadon in ḷobud kon ḷambungnea mita, saḷaku tanda mobogoi in tompoingat kon taḷá mita monia. Bo sia in noguman, “Aka mobodito in moiko, yo dongka bidon taḷá monimu tontaní! Pomayáku bidon mako! Tanaa mako akuoi in mayádon kon intau mita inta deeman Yahudi.”

OUMAN IN RASUL MITA 20:26

Tuamain, singgai naa in pogumankudon kon i monimu, aka oyúon in kon sigad monimu nion in mobodito, yo tua in deeman bidon taḷáku.

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

ULANGAN 19:10

Aidaidon intua sinbá moiko diá baradosaan sin nopomayádon mako kon intau inta diá kotaḷá iḻimod kon butá inta inogoi i Tuhan Allahmu kon inimu.”

YOSUA 2:19

Aka tobatúmai in kon sigad monia tua bo ḷumuai kon baḷoi tanaa bo matoi koḻimodan, yo tua in taḷáneabí tontaní; deeman bidon kami in kitogi totaau kon tua. Táe aka oyúon in mobodito kon bonu in baḷoi tanaa, yo totaaudon nami intua.

HAKIM MITA 9:24

Tua in nobaḻí sinbá kotuḻíandon in raat i Abimelek bo intau mita in Sikhem inta ain nomakisa kon inia sinbá moḻimod kon i adí i Gideon inta pitu nopuḷú tua.

SAMUEL 1 25:39

Naonda in kinodongogan i Daud kon ki Nabal in minatoidon, noguman in sia, “Dinayo-dayowdon in ki Tuhan! Sia ain notuḻí kon singkuḻe i Nabal kon inakó, bo ain nogimaḷow kon bobantung-Nea naa mogaid kon inta moraat. Ki Tuhan ain nohukum kon i Nabal popisí in aidnea inta moraat.” Onda intua ki Daud nopotabá in intaunea minayá kon i Abigail sin mogamá kon inia mobaḻí ki buḷoinea.

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.