SAMUEL 2 1:12 - Alkitab Singog In Mongondow Masa In Tanaa

¹² Mosia in nogamui bo nonogumatoi poḷat nopuasa nodapot in doḷom sin kinopatoian i Saul bo i Yonatan, bo takin doman in bayongan in intau in Israel, umat i Tuhan, sin nobayongdon totok in minatoi kon pinoparangan tatua.

SAMUEL 2 1:12 ပူးပေါင်းရင်းမြစ်များ

SAMUEL 2 3:35

Kinoouputbí in singgai intau mita moḷongasi modondouḷug kon i Daud sinbá mongaanpa umpaka tongá topiḻikmai, táe sia in nongibot, “Igumon mako ki Allah in moḻimod kon inakó, aka akuoi mongaan kon dodai in mata in singgai diápa tumoyop!”

AMSAL 24:17

Dikabí mopia in ginamu aka musungmu bo mobodito, bo dikabí moḷunganga in ginamu aka moḷabú in sia.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

AMOS 6:6

Moiko in monginum kon anggur nongkon galas inta binonuan kinopuḻing, bo moiko in mopoinggúdon in ḷana mobondu inta totok in mopia, táe diá monakit in gina monimu kon kinorimumudan in Israel.

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

KORINTUS 2 11:29

Aka oyúon in mokorasa kon moḻemé, yo akuoi in moitakinbí doman moḻemé. Aka oyúon in moiḷautdon mogaid kon inta diá mopia, yo moitakinbí doman in ginaku moyoyiga.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.

SAMUEL 1 31:13

Bayongan in tuḷannea sinipun bo iḷobong kon siungonmai in pangkoi in tamariska kon kotá tatua. Onda intua nopuasadon in mosia pitu nosinggai in koonggotnea.

SAMUEL 1 31:6

Natuata in kinopopatoi i Saul takin i adínea ḷoḷaki toḷu, bo bayongan in intaunea bo tayowmobiag tatua in minatoi tosinggai monag tua.