SAMUEL 2 1:11 - Alkitab Singog In Mongondow Masa In Tanaa

¹¹ Nokodongogmai kon tua in ki Daud, nomerak in sia kon ḷambungnea sin pinongoibú, bo bayongan in intaunea nomia domandon natua.

SAMUEL 2 1:11 ပူးပေါင်းရင်းမြစ်များ

KINOBAḺIAN 37:29

Naonda in ki Ruben minayádon bui in parigí tatua bo diádon inontongnea in ki Yusup kon tua, binerakneadon in ḷambungnea, sin norobonoḷ in ginanea.

KINOBAḺIAN 37:34

Ki Yakub nomerak kon pakeangnea sin norobonoḷ totok in ginanea bo sia in nogiḷambung norondí. Pomuḷoi in singgai sia in mogamuimai mongombaḷ sin kinopatoian i adínea tatua.

KINOBAḺIAN 44:13

Nonakitdon totok in gina i guya-guyangnea mita dapot in mosia nomera-merakdon kon ḷambung monia. Mosia in buidon nopodatog in bahan mita monia kon keledai bo nobui kon kotá.

SAMUEL 2 13:19

Bo nopoinggú in ki Tamar in ḷobud kon uḷunea, nomerak kon jubahnea, bo minayá takin nopogoḻingoi in ḻimanea kon pogotnea bo sindaḷan nongombaḷ totok.

SAMUEL 2 13:31

Sinimindog in ki Datu, bo nomerak kon ḷambungnea sin nokuyangdon totok in ginanea, bo inumuḻidon kon taḷog. Bayongan in pogawainea dinumudui domandon nomerak kon ḷambung monia.

SAMUEL 2 3:31

Onda intua ki Daud nomarenta kon i Yoab takin intaunea mita sinbá momisí kon ḷambung monia, bo moḷutud kon ḷambung in pinonogumatoian bo mogamui sin kinopatoian i Abner. Bo kon dodai in nogatod kon mayat, ki Datu Daud in minayá doman kon tumimai in poti in mayat.

DATU MITA 2 5:7

Naonda in binaca i datu in Israel in surat tatua, nomera-merak in sia kon ḷambungnea sin nohawatir, poḷat noguman, “Mobodito, nongonubí degá sin ki datu in Siria tatua in nopoigumbí sinbá undamanku in intau tanaa? Deemanbí in akuoi ki Allah inta oyúon in kawasa momiag andeka momatoi kon intau! Notantú bidon kon ki datu in Siria tua in tongábí motayak kon soaḷ kon inakó!”

TAWARIKH 2 34:27

iko in nomanasaḷ bo sinumonsiup kon tayowon-Ku. Akuoi in nogumandon kon Yerusalem bo intau mita inta nogutun kon tua, táe naonda in iko nokodongog kon onu inta pinotaau-Ku tatua nongombaḷ in iko bo nomerak kon ḷambungmu nobaḻí tomponuot kon morobonoḷ in dodobmu. Dinongog-Kudon in sambayangmu,

EZRA 9:3

Nokodongogmai kon tua, norobonoḷ in ginaku dá binerakku in ḷambungku bo norabut kon buok dapot in kumiku, bodongka iḻimitú takin gina inta morobonoḷ totok.

ESTER 4:1

Naonda in kinodongogandon i Mordekhai onu inta nobaḻí, nomerak in sia kon ḷambungnea bo nogibintoḷ nobaḻí tomponuot kon morobonod in gina. Sia in nopoinggú in ḷobud kon uḷunea, bo nodondaḷoi kon kotá poḷat nongombaḷ moropot takin robonoḷ in dodob.

YEREMIA 36:24

Umpaka ki Elnatan, ki Delaya, bo ki Gemarya nopoigum totok sinbá ki datu diá motubá kon ḻitodan in buk tatua, táe doíbí in sia nokidongogmai kon i monia. Pinomayá datu andeka pojabat inta nokodongog kon tombonu in buk tatua diábí inangoian in ondok andeka inagían in manasaḷ.

YOËL 2:13

Bisi-bisídon in ginamu deemanbí ḷambungmu!” Pobuidon mangoi kon i Tuhan Allahmu. Sia in totuu kon mosabar bo motabi mopia in gina bo nopuḻing in tabi. Mopia in gina-Nea in mongampung bo doí mopobayá in hukuman.

OUMAN IN RASUL MITA 14:14

Naonda in ki Paulus bo i Barnabas nokodongog kon onu inaidan in intau mita tatua, nomera-merak in mosia kon ḷambung monia bo sindaḷan noribatuk minayá irumuak kon intau moantó tatua, bo nomaḷú,

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

YOSUA 7:6

Noajar totok in gina i Yosua bo gina in itoi mita in umat Israel dá mosia nomera-merakdon kon pakeang monia, bo kino ouputdon in singgai dapot in doḷom mosia sinumungkud kon tayowon in Poti Dodandian i Tuhan poḷat nopoinggú in ḷobud kon uḷu monia nobaḻí tompoingat kon noajar totok in gina monia.