SAMUEL 1 9:9 - Alkitab Singog In Mongondow Masa In Tanaa

^9-11 “Mopia uḻe!” tubag i Saul, “Igai mayá in kita.” Bo minayádon in mosia kon kotá, kon tampat in mogogundoi i Allah tua. Naonda in mosia notakod kon buḷud inta mopobayá ná kotá tatua, noyodungkuḷdon in mosia in tongonumai in mongodeaga inta mayá monangkob kon tubig kon parigí. Bo mosia noḻibó kon mongodeaga mita tatua, “Degá mododoyangow oyúon kon kotá?” (Kon tungkuḷ intua nabi tobatú sinangoi mododoyangow, dá aka oyúon in intau moḻibó kon i Allah, dá sia in moguman nanaa, “Igai in kita mayá kon mododoyangow.”)

SAMUEL 1 9:9 ပူးပေါင်းရင်းမြစ်များ

KINOBAḺIAN 25:22

Sia in nonogusian kon adí apang, bo kon tungkuḷ in adí mita tatua diápa pinononggadí, mosia in mosikondogan kon bonu in sian i inánea. Ki Ribka noguman, “Nongonu sin soaḷ tanaa mustibí mobaḻí kon inakó?” Bo sia nopoigum in totundú kon i Tuhan.

SAMUEL 2 24:11

Ki Tuhan in noguman kon i Nabi Gad inta nobaḻí tondoḷ in singog kon sigad i Daud bo i Tuhan, “Bayádon bo pogumandon kon i Daud kon toḷu in ogoi-Ku pokipiḻí kon inia. Onukabí in piḻíonnea tua in aidan-Ku.” Nopoikoḷomai kon singgai, onda in ki Daud nobangon nongkon pinosiugan,

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

TAWARIKH 1 21:9

Ki Tuhan in noguman kon i Nabi Gad, inta nobaḻí tondoḷ in singog kon sigad i Daud bo i Tuhan,

TAWARIKH 1 26:28

Impoḷok mako in singog, ki Selomit bo motoḷuadínea in kitogi totaau kon bayongan in yagi-yagi inta ain inogoi tongá pogaid kon bonu in Baḷoi Tuhan, noitakin doman in sosumba mita inta pinongin i Nabi Samuel in inogoidon i Datu Saul, i Abner adí i Ner, bo i Yoab ki adí i Zeruya.

TAWARIKH 1 29:29

Kinobiagan i Daud nongkon pinomangkoian noidapot kon imbuitnea ain pinais kon bonu in buk Nabi Samuel, Nabi Natan bo Nabi Gad.

TAWARIKH 1 9:22

Bayongan in intau inta piniḻí moḷukad kon ngara mita moḷoben kobayongnea in 212 in intau. Mosia in pinais podudui in ḻipú mita inta pinogutunan monia. Mogoguyang monia in inogoian in oaidan mita tatua i Datu Daud bo i Nabi Samuel.

TAWARIKH 2 16:10

Tosingogon i Nabi Hanani tatua nokotorú totok kon i Asa nodapot in pinobonunea kon ponjara in nabi tatua. Kon dodai intua ki Asa in nopororigadon kon tongonumai in rayatnea.

TAWARIKH 2 16:7

Kon tungkuḷ intua ki Nabi Hanani namangoi kon i Datu Asa bo noguman, “Popisí in iko inumandoḷdon kon i datu in Siria, bo deemanbí kon i Tuhan Allahmu, dá noinggamádon in kasampatanmu monaḷow kon tontara i datu in Israel.

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

YESAYA 30:10

Mosia in moguman kon nabi mita, “Kintum in bibig! Dika mopoguman kon inami onu in totuu, táe onubí in koibog nami indongogan. Pomayádon mako in kami umuran morai podudui in koibog nami.

AMOS 7:12

Bo ki Amazia in noguman kon i Amos, “Ei Nabi, pobuidon kon Yohuda! Pohutubadon kon tua. Pobiódon mako sinbá mosia in mopokaan kon inimu!

KORINTUS 1 12:17

Aka kuma bo awak naa komintan mata, yo naondabí sinbá mokodongog in awak? Andeka awak naa bo komintan bongoḷan, yo naondabí bá mokobó in awak tatua?

HAKIM MITA 1:1

Naonda in ki Yosua minatoi, umat in Israel noḻibó kon i Tuhan, “Tuhan, suku táonda degá in kon sigad nami naa inta muna-munamai mayá monubu kon intau in Kanaan?”

HAKIM MITA 18:5

Bo mosia in noguman kon inia, “Aka natua, yo tuḷungaipa bo ḻibó kon i Allah mongo bobayáan nami naa in mokodungkuḷ kon onu inta sinayak andeka diá.”