SAMUEL 1 9:6 - Alkitab Singog In Mongondow Masa In Tanaa

⁶ Bobantung tatua notubag, “Oḷatpa muna! Kon kotá tanaa oyúon in mogogundoi i Allah. Totok in sia ihoromat in intau sin onu in singogonnea in totu-totuubí kon mobaḻí. Igai in kita mayá kon inia, dika-dika bo motaaubí ḻibóon kon inia mongo kon onda in keledai mita tatua.”

SAMUEL 1 9:6 ပူးပေါင်းရင်းမြစ်များ

KINOBAḺIAN 24:42

Bo naonda in akuoi nodapot kon parigí koina, akuoi in nosambayang kon bonu in gina, ‘Tuhan, Allah i tuangku Abraham, poigumonku sinbá onu in pinoki aid i tuangku kon inakó yo kodapotankupa doman.

SAMUEL 2 15:27

Noiduduimai kon tua ki datu in noguman bui kon i Zadok, “Tongganutaidon in ki Ahimaas ki adímu bo ki Yonatan adí i Abyatar; pobuidon in moiko kon kotá takin saḷamat.

DATU MITA IMITÁNEA 13:1

Kon dodai intua oyúon in nabi tobatú kon Yohuda. Sia in pinotabá i Tuhan mayá in Betel. Nabi tatua noiyaput intua kon tungkuḷ in ki Yerobeam simindog mako kon tayowon in mezbah sin moposumba in kuruban.

DATU MITA 2 5:8

Kinodongogan i Nabi Elisa intua, bo nokidia in koyow tanaa kon i datu in Israel, “Nongonu sin mohawatirbí? Potabádon mangoi in intau tanion kon inakó sinbá kotaauanneadon kon naa kon Israel in oyúonbí in nabi tobatú!”

DATU MITA 2 6:6

“Kon onda in kinoḷabúannea?” iḻibó i Elisa. Sinundú in intau tatua in kinoḷabúannea, bo nomongkó in ki Elisa kon kayu topongkó bo pinogarab kon tampat tatua. Dá iḷumantakdon mata in boḻiung tatua kon tudu in tubig.

MAZMUR 25:12

Ki Tuhan in motundú kon intau inta mopirisaya in daḷan inta musti bayáan monia.

YESAYA 44:26

Akuoibí in noginrigon kon tosingogon in mogogundoi-Ku, bo nopobayá in tomayá inta pinoniata in totabá-Ku, Akuoi in noguman kon Yerusalem in pogutunanbí bui, bo kotá mita in Yohuda in posindogon-Kubí bui; rumbunnea mita in buibí tompiaan.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa:

TESALONIKA 1 2:10

Motusi in kobobiag nami, mobanar bo diá in yagi-yagi inta diá mopia in inaidan nami kon i monimu inta ain nopirisaya kon i Kristus. Inontong bidon monimu tontaní in kami bodongka bidon ki Allah in nonotaau kon tua komintan.

TESALONIKA 1 5:13

Umuranbí horomat bo kotabi in mosia tua, sin oaidan inta inaidan monia tatua in deemanbí tongá ibo-ibog. Kobiagbí motompia bo umuran mototabian in moiko.

TIMOTIUS 1 6:11

Táe iko inta ain piniḻí i Allah, mokopoyayúdon kon tua komintan. Tayakdon in onu inta mopia kon tayowon i Tuhan, aidai in onu inta moitutui, posambayang bo mokopotantú kon pirisaya kon i Kristus, kotabibí in tumpaḷa intau, mobalajar mosabar bo aidai in onu inta mokosanang kon gina in intau.

SAMUEL 1 2:27

Kon singgai tobatú namangoidon in nabi tobatú kon i Eli bo nopotaau in koyow nongkon i Tuhan kon inia, kai-Nia, “Kon tungkuḷ in mogoguyangmu ki Harun bo motoḷuadínea nobaḻí ata i datu in Mesir, nokipogontongdon in Akuoi kon i Harun.

SAMUEL 1 9:8

Bobantung tatua notubag, “Noikoḷat totok kon inakó in oyúonpa in doit saḷaka tobatú. Tua in ogoikudon kon mogogundoi i Allah tatua sinbá motaaudon in sia mopotaau kon inaton mongo kon onda in keledai mita tatua.”