SAMUEL 1 9:4 - Alkitab Singog In Mongondow Masa In Tanaa

⁴ Bo ki Saul takin bobantungnea noḻibu kon buḷud in Epraim bo butá in Salisa, táe diá nouḻí monia in bobiagon mita tatua. Onda intua minayá in mosia kon butá Sahalim, táe diábí doman in keledai mita tatua in kon tua. Mosia in minayá doman notayak kon butá in Benyamin, táe diábí doman in mangaḻenea.

SAMUEL 1 9:4 ပူးပေါင်းရင်းမြစ်များ

KINOBAḺIAN 33:18

Kon binayáan nongkon Mesopotamia, noyaputdon in ki Yakub takin nosaḷamat kon kotá in Sikhem kon butá in Kanaan, bo noposindog in ḷoḷaigan kon dotá in pomukaan kon kotá tatua.

DATU MITA 2 4:42

Kon wakutu ibanea doman, ḷoḷaki tobatú in namangoi nongkon Baal-Salisa. Pinodiaannea mangoi in ki Elisa kon gandum inta bagupa iratab bo roti doman doyowa nopuḷú inta pinomia nongkon gandum bungainea dungkuḷ totok kon taong tatua. Pinoki silai i Elisa in roti mita tatua kon nabi mita tatua,

YOHANES 3:23

Dodai intua ki Yohanes in diápa pinobonu monia kon ponjara dá sia in umuranpa doman nobaptis kon Ainon, ḻipu inta diá noyayú nongkon Salim, sin nobayong in tubig kon tua. Intau mita namangoi kon inia, bo binaptisnea i mosia.

YOSUA 19:42

Saalabin, Ayalon, Yitla,

YOSUA 24:33

Onda intua ki Eleazar adí i Harun minatoi domandon, bo iḷobong kon Gibea, kotá inta noiukat kon buḷud i Epraim. Kotá tatua ain inogoi kon i Pinehas, adí i Eleazar.

HAKIM MITA 17:1

Oyúon in intau ḷoḷaki ki Mikha in tangoinea. Sia in nogutun kon buḷud kon butá in Epraim.

HAKIM MITA 19:1

Kon tungkuḷ in intau Israel diápa ko datu, oyúon in intau in Lewi nogutun kon tampat inta noyayú, kon ḻikudmai in buḷud in Epraim. Nogamá in sia kon bobay tobatú nongkon Betlehem Yohuda bo binaḻínea ki buḷoinea ibanea.

SAMUEL 1 1:1

Oyúon ḷoḷaki tobatú, tangoinea in ki Elkana, nongkon suku Epraim. Sia in nogutun kon kotá in Rama, kon butá inta kon buḷud in Epraim. Ki Elkana naa in ki adí i Yeroham bo ki ompu i Elihu. Sia in noituot kon motoḷuadí i Tohu, uputpa in inanakan i Zup.

SAMUEL 1 9:3

Kon singgai tobatú tongonumai in keledai i Kish nobuḻi. Tuamai in ki Kish noguman kon i Saul, “Podiadon kon bobantung tobatú, bo tayakdon in keledai mita tatua.”