SAMUEL 1 9:21 - Alkitab Singog In Mongondow Masa In Tanaa

²¹ Ki Saul notubag, “Akuoi naa in nongkon suku Benyamin, suku inta totok in mointok kon Israel, apa doman motoḷuadíku inta totok in diá in mangaḻenea kon bonu in suku tatua. Dá nongonu sin ki Amá in mogumanbí natua kon inakó?”

SAMUEL 1 9:21 ပူးပေါင်းရင်းမြစ်များ

MAZMUR 68:27

“Dayowdon in ki Allah kon yua-yuak in pinoyosipunan in umat-Nea, dayowdon in ki Tuhan, ei bayongan in buí i Yakub!”

MAZMUR 68:28

Benyamin in suku inta totok in mointok, táe sia in kon muna, bodongka moyo-moyodudui in itoi mita in Yohuda kon tuminea in itoi mita in Zebulon bo Naptali.

HOSEA 13:1

Dungkuḷmai suku in Epraim ihoromat dá aka oyúon in parenta nongkon suku tatua, suku mita ibanea kon Israel in moondok. Táe suku in Epraim in binaradosa popisí in nosumba kon Baal, tuamai sia in moinggamábí.

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

SAMUEL 1 10:27

Táe tongonumai in intau moraat noguman, “Umpaka yo intau tanaa oyúon in mangaḻenea kon inaton?” Mosia mopoonagmai kon i Saul bo diá nobogoi in tombuinag kon inia. Táe tongábí in sia ki ubo uboḷmai diá nonotaau kon tua.

SAMUEL 1 14:51

Ki Kish, amá i Saul, bo ki Ner amá i Abner, in ki adí mita i Abiel.

SAMUEL 1 15:17

Ki Samuel in noguman, “Tantú kinotaauanbí i Tuang Datu, kon umpakabí kon raianmu tontaní ki Tuang Datu naa in mointok táe binaḻí bidon itoi kon suku mita in Israel? Bo iko nion in binarakatandon i Tuhan nobaḻí datu kon Israel,

SAMUEL 1 18:18

Ki Daud in notubag, “Ki inebí in bobantung naa, bo ki inedon in kami motoḷuadí i amáku kon Israel, modapot in mobaḻí mototaka i Datu?”

SAMUEL 1 18:23

Táe naonda in mosia nopotaau intua kon i Daud, sia in notubag, “Kai monimu kamai yo mogampangbí in mobaḻí mototaka in datu? Akuoi naa in intau nobogá bo diá in mangaḻenea!”

SAMUEL 1 9:22

Onda intua ki Samuel nonongganut kon i Saul bo bobantungnea sinumuot kon bonu in yuang inta moḷoben, bo inogoiannea in tampat inta moponting kon i monia kon tayowon in intau mita inta sinoko oiní inta kobayongnea in toḷumai nopuḷú in intau.