SAMUEL 1 9:12 - Alkitab Singog In Mongondow Masa In Tanaa

^12-13 “Oo, oyúon,” tubag in mongodeaga mita tatua, “bagupa in sia minayá noiuna kon i monimu. Aka moiko ḻimikat, yo degá kobatukanbí monimu in sia. Sia in bagu namangoi in kotá sin singgai naa kon tudu in mezbah kon buḷud oyúon in sosumba kuruban kon rayat. Intau mita inta sinoko oiní in diápabí mongaan aka diápa in sia moiangoi, sin sia in munapabí momarakat kon sosumba tatua. Aka moiko mayá kon tanaadon mako, yo moyodungkuḷbí monimu in sia kon dodai in sia diápa motakod kon buḷud sin mongaan.”

SAMUEL 1 9:12 ပူးပေါင်းရင်းမြစ်များ

KINOBAḺIAN 31:54

Sia in noratá kon biag tobatú bo pinosumbanea kon tudu in buḷud tatua. Bo inoiníneadon in intaunea mita sin mongaan moyotakin. Naonda in nopaḷut mako nongaan, mosia in nogogaipa kon tudu in buḷud tatua.

TAWARIKH 1 16:39

Táe ki Zadok bo imang mita ibanea in pinotabá umuran monompia kon ibada kon tampat pooibadaan kon Gibeon.

SAMUEL 1 10:5

Mopaḷut mako kon tua iko in musti mayá in buḷud i Allah kon Gibea, tampat pinononḷoḷaigan in intau in Pilistin. Kon ngara tumuot in kotá, iko in moyodungkuḷdon in nabi mita inta mosiḻig nongkon buḷud pobobogoian kon kuruban. Mosia in motayok bo morogiow, mopogogitog in gambus, rebana, bansí bo kecapi.

SAMUEL 1 16:2

Táe ki Samuel in notubag, “Naonda in pogogaidku? Aka kodongogan i Saul intua, yo notantú bidon kon ḻimodonnea in akuoi!” Ki Tuhan in notubag, “Podiadon kon sapi batánea tobatú, bo potaaudon kon rayat kon iko in mayá intua sin moposumba in kuruban kon i Tuhan.

SAMUEL 1 2:35

Onda intua Akuoi in momiḻídon kon imang inta mosatia kon i-Nakó bo mogaid kon onu inta pinoki aid-Ku kon inia. Kon inia tua in ogoian-Ku in buí inta umuran mopobayá in oaidan imang kon tayowon in datu mita inta piniḻí-Ku.

SAMUEL 1 20:6

Aka ḻibóon i amámu nongonu sin akuoi in diábí noiangoi, yo pogumandon kon i Tuangku, kon akuoi in nopoigumdon kon inimu kon akuoi in ḷagidon mobui kon Betlehem, sin kon tua in pomiaandon kon upacara kuruban taongan kon bayongan in motoḷuadíku.

SAMUEL 1 7:17

Umuranbí natua bo mopaḷut mako mobuidon in sia kon baḷoinea kon Rama. Kon tua sia nobaḻí hakim kon intau in Israel bo noposindog doman in mezbah tobatú kon i Tuhan.