SAMUEL 1 8:7 - Alkitab Singog In Mongondow Masa In Tanaa

⁷ bo ki Tuhan in noguman, “Duduiaidon in bayongan inta pinoigum in bangusa tatua kon inimu. Sin deemanbí iko in kinodoí monia, táe Akuoibí. Doídon in mosia aka Akuoi in mobaḻí datu monia.

SAMUEL 1 8:7 ပူးပေါင်းရင်းမြစ်များ

IḶUAIAN 16:8

Ki Tuhan mobogoi kon i monimu in ponoyá kon dodai in ḷoḷabungnea, bo roti kon dodai in doḷo-doḷom modapot in moiko mobotug, sin ain dinongog i Tuhan kon moiko in sinumorú kon i-Nia. Totuubí kon aka moiko tumorú kon inami, yo moiko in naondabí bo sinumorú kon i Tuhan.”

YESAYA 66:4

Tuamai Akuoi doman in mogaidbí kon onu in koibog-Ku bo mopouma kon i monia in bodito mita inta koondok monia. Sin kon tungkuḷ in Akuoi nogoiní, diá in notubag; kon tungkuḷ in Akuoi nosingog, diá in nokidongog. Mosia in moibo-ibogbí moḷawang kon i-Nakó bo mogaid kon inta moraat.”

YEREMIA 34:14

Akuoi in noguman kon bayongan in ata Ibrani inta ain nobaḻí ata onom notaong in koonggotnea, musti poḷuaton kon imbuit in taong impitunea. Táe mogoguyangmu in doíbí noindoimai andeka nokidongog kon onu inta pinoguman-Ku tatua.

YEHEZKIEL 2:3

“Ei intau inta ilo-ilow, iko in potabáku mayá kon intau mita in Israel inta nomarontak moḷawang kon i-Nakó. Mosia tua in momomarontak ná doman mogoguyang monia.

YEHEZKIEL 3:7

Táe bangusa in Israel in doíbí mokidongog kon inimu, nodapot in Akuoi in diábí doman pinandungmai monia. Mosia komintan pamandot bo moibog momaḷawang.

PINOGIAPAN 22:20

Doḷom tua ki Allah namangoi kon i Bileam bo noguman, “Intau mita tatua namangoi sin mopoigum sinbá iko in mayá moyotakin monia. Dá posadiadon sin mayá. Táe tongádon aidai inta pinoki aid kon inimu.”

MATIUS 10:40

“Ki ine in notarima kon i monimu, sia tua in notarima doman kon i-Nakó. Bo ki ine in notarima kon i-Nakó, sia in notarima doman kon i-Nia inta nopotabá kon i-Nakó.

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

LUKAS 19:14

Táe intau mita inta toḻipúannea mosakí in gina kon inia, dá naonda in sia minayá, intau mita inta mosakí in gina kon inia tua nopotabá doman in tobatú intau sin moguman nanaa, ‘Kami in doíbí aka intau tanaa in mobaḻí datu nami.’

LUKAS 19:27

Bo tanaa mako in tokodiadon mangoi in intau mita inta mongosakí in gina kon i nakó bo inta doí aka akuoi in mobaḻí datu kon i monia. Ḻimod in mosia kon tayowonku!’ ”

YOHANES 13:16

Totuubí in tosingogon-Ku naa: Tobatú ata in diábí moiḻiu kon i tuangnea, bo totabá in diábí moiḻiu kon inta nopotabá kon inia.

HAKIM MITA 8:23

Tubag i Gideon, “Diá. Akuoi in diábí mobaḻí itoimu; ki adíku doman in diábí. Ki Tuhanbí in itoimu.”

SAMUEL 1 10:19

Akuoi ain nopoḷuat kon i monimu nongkon bayongan roriga bo sikisa, táe tanaa in moiko mondoídon kon i-Nakó, ki Allahmu, sin moiko in mopoigum sinbá Akuoi motayak kon datu tobatú kon inimu. Dá, poyosipundon kon tayowon-Ku, ki Tuhanmu, podudui in suku bo inanakanmu.’ ”

SAMUEL 1 12:1

Bo ki Samuel nogumandon kon bangusa Israel, “Dinuduiankudon komintan in bayongan inta pinoigummu bo ain noduí kon datu tobatú kon i monimu.

SAMUEL 1 12:12

Tongá naonda in moiko nokoontong kon moiko in tubuondon i Nahas datu in Amon, moiko in nondoídon kon i Tuhan saḷaku datumu bo noguman kon inakó, ‘Kami in moibog parentaan in datu tobatú.’ ”

SAMUEL 1 8:22

Ki Tuhan in notubag, “Duduiaidon mako in ibog monia tua bo duídon in datu tobatú kon i monia.” Onda intua ki Samuel nopotabá kon intau mita in Israel tatua nobui kon baḷoinea-baḷoinea.

SAMUEL 1 8:8

Pinangkoimai Akuoi nodia kon i monia iḻumuai nongkon Mesir, mosia in nonoḻikudon kon i-Nakó bo nosumba kon dewa mita, bo onu in tanaa aidan monia kon inimu, tuata inta ain inaidan monia kon i-Nakó.