SAMUEL 1 8:5 - Alkitab Singog In Mongondow Masa In Tanaa

⁵ bo noguman kon inia, “Indongogaipa kaasí Amá, ki Amá aindon nogoguyang bo ki adí mita i Amá in diábí dinumudui kon aid i Amá. Dá maníka ki Amá moduídon kon datu tobatú bá oyúondon in datu nami ná doman bangusa mita ibanea.”

SAMUEL 1 8:5 ပူးပေါင်းရင်းမြစ်များ

PINOGIAPAN 23:9

Nongkon tudu mita in buḷud ontongonku in mosia; nongkon tudu mita in buḷud bobuionku in mosia. Indoiai, bangusa tobatú inta noitontaní diá kinobauian in bangusa ibanea.

OUMAN IN RASUL MITA 13:21

Noidudui kon tua mosia noigum kon datu, dá inogoi i Allah in ki Saul, ki adí i Kish inta nongkon suku Benyamin. Opat nopuḷú notaong sia in nobaḻí datu.

HAKIM MITA 8:22

Onda intua umat in Israel nogumandon kon i Gideon, “Iko in aindon nopoḷuat kon inami nongkon kawasa in intau in Midian. Tuamai in ikodon in mobaḻí itoi nami – iko bo buímu.”

SAMUEL 1 10:19

Akuoi ain nopoḷuat kon i monimu nongkon bayongan roriga bo sikisa, táe tanaa in moiko mondoídon kon i-Nakó, ki Allahmu, sin moiko in mopoigum sinbá Akuoi motayak kon datu tobatú kon inimu. Dá, poyosipundon kon tayowon-Ku, ki Tuhanmu, podudui in suku bo inanakanmu.’ ”

SAMUEL 1 12:13

“Tanaa, indoiai, naadon in sia, datu inta piniḻí monimu. Ain inigum monimu in sia, bo inogoidon i Tuhan in sia kon inimu.

SAMUEL 1 12:17

Akuoi in mokuani kon i Tuhan, bo umpaka tanaa sempo in poninggai, ki Tuhan in mopoangoibí in gotup bo uyan saḷaku tubag kon sambayangku. Bain tua bo kotaauandon monimu kon totuubí moḷoben in dosamu kon i Tuhan sin noigum kon datu tobatú.”

SAMUEL 1 12:2

Nongkon tanaadon mako siadon in mobaḻí itoi monimu. Indoiaidon, akuoi naa in nogoguyangdon bo inubanandon. Noonggotdon totok in akuoi in nobaḻí itoi monimu – pinangkoipa kon akuoi nobagupa nodapot in tanaa mako. Nobaḻí bukti kon tua in ki adíku mita in komintandon nongoḷantud.

SAMUEL 1 9:20

Soaḷ keledaimu mita inta ain toḷu nosinggai naa in nobuḻi tua, dika moḻia-ḻiaw in gina, sin ain nouḻí. Apa doman, inta totok in mopia kon bayongan Israel in ogoi bidon kon inimu bo kon motoḷuadí i amámu.”