SAMUEL 1 8:12 - Alkitab Singog In Mongondow Masa In Tanaa

¹² Ibanea in binaḻínea porwira inta mobaḻí itoi kon intau toribu, bo ibanea in mobaḻí itoi kon intau ḻima nopuḷú. Datu tatua in momakisa kon i adímu mita momajeko kon gobánea, monoinut kon bungai in boyónea, momia kon ḷoḷutamnea mita bo pakakat mita in kereta parangnea.

SAMUEL 1 8:12 ပူးပေါင်းရင်းမြစ်များ

DATU MITA IMITÁNEA 4:7

Ki Salomo in noduí kon mopuḷú bodoyowá in bupati kon bayongan butá in Israel. Oaidan monia tua in mosipun nongkon butá monia in bayongan kokaanon inta ogoi kon i datu bo tombonu in komaḻignea. Batúan in bupati moyoḷuan mopooyúon kon bayongan tua tumongo buḷan muḷoi in taong.

PINOGIAPAN 31:14

Sinorúan i Musa in tontara mita inta pangkat mongoḷantud, itoi mita in tontara bo tongguḷu in parang inta bagu nobui kon pinoparangan.

SAMUEL 1 22:7

noguman in sia kon porwiranea mita tatua, “Indongogaidon, ei intau mita in Benyamin! Eta degá ki Daud tua in mobogoi in gobá in tudunea bo gobá in anggur kon inimu? Eta degá moiko komintan in baḻíonnea doman porwira mita in tontaranea?

SAMUEL 1 8:13

Ki adí mita monimu inta bobay pokiaidannea in ḷana mobondu pakéonnea bo mobaḻí mododungúnea bo mogogaid kon rotinea.