SAMUEL 1 7:6 - Alkitab Singog In Mongondow Masa In Tanaa

⁶ Bo noyosipundon in mosia kon Mizpa. Mosia in nonayú kon tubig bo pinopobutak nobaḻí sosumba kon i Tuhan, noiduduimai kon tua mosia in nopuasa in tosinggai tua. Guman monia, “Kami naa in binaradosadon kon i Tuhan.” (Kon Mizpa tua ki Samuel nomangkoidon nomaḷut kon pelekara mita yogenggeng in intau in Israel.)

SAMUEL 1 7:6 ပူးပေါင်းရင်းမြစ်များ

KINOBAḺIAN 31:49

Ki Laban in noguman doman, “Poigumon mako ki Tuhan umuran moindoi kon i naton kon bonu in kita mobiag moyogiyayúan.” Tuamai tampat tatua sinangoiandon Mizpa.

SAMUEL 2 14:14

Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

DATU MITA IMITÁNEA 8:47

igumon mako in Iko in moibog mokidongog kon sambayang monia. Aka kon butá tatua bo taḷaandon monia in dosa mita monia, bo mosambayang kon ini-Mu poḷat doman mongaku kon mosia in binaradosa bo nogaidon kon inta moraat, yo indongogaipa kaasí in sambayang monia, o Tuhan.

TAWARIKH 1 11:18

Nokodongogmai kon tua, porwira toḷu tatua minayá nondangat kon pinononḷoḷaigan in intau in Pilistin bo nonangkob kon tubig in parigí tatua, onda intua dinia monia kon i Daud. Táe doí in ki Daud nonginum, binutakneabí nobaḻí sosumba kon i Tuhan.

TAWARIKH 2 20:3

Noondok in ki Yosapat bo nosambayang in sia nopoigum in totundú i Tuhan. Onda intua sia in nomarenta sinbá bayongan in rayat mopuasa.

NEHEMIA 9:27

dá pinosarakan-Mudon in mosia kon musungnea inta takin raat in nongawasa bo nondorot kon i monia. Táe kon bonu in roriga inta noiantug, mosia in nokuani kon ini-Mu nopoigum in totuḷung. Nongkon soroga inindogogan-Mu; takin tabi moḷoben sinubagan-Mu. Pinotabá-Mu mangoi in itoi bo intau mita mobarani inta nopoḷuat kon i monia nongkon musung.

AYUB 16:20

Akuoi siningkuḻe in yobayatku mita bo kinosingan; koomba-ombaḷ in akuoi bo namangoi kon tayowon i Allah mopoigum in totuḷung.

AYUB 3:24

Toḻiu in mongaan akuoi in mogamui, diá mogoga-gogai in akuoi mokuani.

AYUB 33:27

Dá kon tayowon in intau moantó sia in moguman, ‘Inta moraat inanggapku mopia, moḷobenbí in dosaku, tongá ki Allah in diábí nohukum kon inakó.’

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

MAZMUR 106:6

Kami in binaradosadon naonda bo mogoguyang nami; kami in nogaidon kon inta moraat bo nonoḻikudon.

MAZMUR 119:136

Ḷuáku in moiḻig naonda bo ongkag, popisí in hukum-Mu diá dinuduian.

MAZMUR 42:3

Akuoi in mokotanob kon i Allah inta nobiag, toonu in motaau in akuoi mayá moibada kon Baḷoi-Nea?

MAZMUR 6:6

Sin kon dunia in intau minatoi Iko in diá bidon toropon; diábí in modayow kon ini-Mu kon dunia in intau minatoi.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

YEREMIA 31:19

Iko ain sinoḻikudan nami, táe nomanasaḷ in kami kon aid tatua. Naonda in ihukum-Mu in kami, kinumuyung in kami sin norobonoḷ in gina. Nooyá in kami bo nobaḻí mokooyá popisí in binaradosadon kon dodai in noguodpa.’

YEREMIA 36:9

Kon buḷan in siownea kon taong iḻimanea kon pinomarentaan i Yoyakin datu in Yohuda, rayat nopuasa, sinbá mokouḻí kon totabi nongkon i Tuhan. Intau inta nogutun kon Yerusalem bo intau inta namangoi nongkon kotá mita in Yohuda, komintan nopuasa.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

OMBAḶ 2:11

Mataku in nobobagá popisí in nongombaḷ diá nodona-doná, dimukudku in moondok diá in batainea. Ginaku in norumbun nokoontong kon kinorumbunan in bangusa; nokoontong kon mongoadí mita bo adí mointok sinogopuḷong kon daḷan mita in kotá.

OMBAḶ 3:49

Akuoi in mongombaḷbí diá mopodona-doná,

OMBAḶ 5:16

Onu inta nokoyunggagá kon inami in diádon, kami in nobodito popisí in binaradosadon.

YEHEZKIEL 20:4

Ei intau ilo-ilow, nosadiadon degá in iko in monisig kon i monia? Yo, aidaidon! Potoropdon kon i monia in bayongan aid mokorongó inta ain inaidan in mogoguyang monia.

HOSEA 5:1

Ki Tuhan in noguman, “Indongogaidon, ei imang mita! Taridiaidon, ei intau in Israel! Indongogai, ei intau mita buí in datu! Hukuman in pinoḷabúdon kon i monimu. Sin, mustibí mokopoadil in moiko in monisig, táe noyotuuidon, moiko in nobaḻídon ná poyogaḷap kon Mizpa, naonda bo potait kon Buḷud in Tabor,

YOËL 2:12

Ki Tuhan in noguman, “Táe tanaa mako, pobuidon mangoi kon i-Nakó takin ḻimbatú in gina, sindaḷan mopuasa, mogamui bo mongombaḷ.

IMAMAT 16:29

Atorang mita tanaa musti umuran duduian dapot in adí bo ompu. Kon singgai noginpuḷú buḷan noginpitu, intau Israel bo intau ango-angoi inta nogutun kon sigad monia musti mopuasa bo imaḷowanpa in mogaid, sin singgai tanaa in singgai inta totok in motusi. Kon singgai tatua musti aidan in upacara pondaritan kon bangusa Israel nongkon bayongan dosa monia sinbá mosia modaritdon.

IMAMAT 26:40

Táe buímu in mongakubí kon dosa monia bo dosa in mogoguyang monia inta ain noḷawang kon i-Nakó bo ain nomarontak kon i-Nakó,

LUKAS 15:18

Yo maníka bo mobui in akuoi kon i papaku, bo moguman kon inia nanaa: Papa, akuoi naa ain nomia kon taḷá kon i Tuhan bo kon i papa.

HAKIM MITA 10:10

Bo umat in Israel nokuanidon kon i Tuhan, kainia, “Kami aindon nogaid kon dosa kon ini-Mu, sin kami in diádon noindoimai kon ini-Mu, o Allah nami. Kami in nosumbadon kon dewa mita i Baal.”

HAKIM MITA 10:15

Táe umat in Israel noguman kon i Tuhan, “Kami naa in binaradosadon, Tuhan. Aidaidon onu kabí in koibog-Mu aidan, asaḷ bo Iko Tuhan moibogpa motuḷung kon inami singgai in naa.”

HAKIM MITA 2:4

Naonda in malaekat tatua nopaḷut nopotaau in habar tatua, bayongan in bangusa Israel totokdon in nongombaḷ.

HAKIM MITA 20:26

Dá buidon minayá in umat in Israel kon Betel bo nongombaḷ kon i Tuhan. Kon tua in mosia nopuasa nodapot in doḷom noposumba in kuruban pondamean bo kuruban payongon kon i Tuhan.

HAKIM MITA 3:10

Sia in kinawasa in Roho i Tuhan dá sia in nobaḻí itoi kon umat in Israel. Sia in minayá noparang, bo pinopountung i Tuhan in sia nongkon datu in Mesopotamia.

SAMUEL 1 1:15

Táe ki Hana in notubag, “Akuoi in diábí noḷoḷangu, Amá, akuoi in beresibí diá nonginum kon anggur! Akuoi in kinodaitandon kamang, bo mosambayangmai mongonguman kon bayongan in rorigaku kon i Tuhan.

SAMUEL 1 10:17

Dá ki Samuel in nogoiní kon bayongan intau in Israel sinbá moyosipun kon Mizpa,

SAMUEL 1 12:10

Onda intua mosia nosambayang kon i Tuhan nongaku kon dosa monia; guman monia, ‘Kami aindon binaradosa sin nonoḻikudon kon ini-Mu, oo Tuhan, bo nosumba kon patong mita i Dewa Baal bo i Asytoret. Táe, tanaa in posaḷamatdon in kami nongkon musung nami, dá kami in mogundoidon kon ini-Mu!’

SAMUEL 1 7:15

Ki Samuel in nomarenta kon Israel nodapot in minatoi in sia.