SAMUEL 1 7:14 - Alkitab Singog In Mongondow Masa In Tanaa

¹⁴ Bayongan in kotá in Israel inta ain pinotungkud in intau in Pilistin, pinangkoi kon Ekron nodapot kon Gat, pinobuidon kon Israel. Dá nouḻídon bui in Israel in bayongan butánea. Intau in Israel bo intau in Amori nobiagdon nodame.

SAMUEL 1 7:14 ပူးပေါင်းရင်းမြစ်များ

TAWARIKH 1 18:1

Diá noonggot kon tua ki Datu Daud nonubu bo nonaḷow kon intau in Pilistin poḷat nogagow kon kotá in Gad takin ḻipú mita kon diugneamai.

MAZMUR 106:34

Bangusa mita ibanea diábí iyopú monia, ná inta pinarenta i Tuhan.

PINOGIAPAN 13:29

Intau in Amalek nogutun kon dotá in toḷatan butá tatua; Intau in Het, Yebus bo Amori nogutun kon buḷud; bo intau in Kanaan in nogutun kon butá inta kon bingkí in dagat bo kon bingkí Ongkag in Yordan.”

ULANGAN 7:16

Batúan in bangusa inta pinosarakan i Tuhan Allahmu kon bonu in kawasa mu musti yopúon monimu; dika mopoontong in tabi kon i monia. Dika mosumba kon ilah mita monia, sin aid mita natua mokopoangoi kon bodito kon inimu.

ULANGAN 7:2

Aka ki Tuhan Allahmu moposarakan in bangusa mita tatua kon bonu in kawasamu bo moiko monaḷowdon kon i monia, ḻimodon in mosia komintan. Dika motabi kon i monia ande momia kon dodandian takin i monia.

YOSUA 10:5

Dá datu in Amori taya ḻima tatua, inta datu in Yerusalem, Hebron, Yarmut, Lakhis bo Eglon noyopakatdon bo takin bayongan in tontara monia, mosia moḻibut bo monubu kon Gibeon.

YOSUA 15:11

Nongkon Timna, sigad tatua nopobayá ná dotá in utuan kon Buḷud in Ekron, bodongka nomurow nopobayá ná Sikron, noitaḻib kon Buḷud in Baala, bo nopobayá ná Yabneel, bo sinimpod kon Dagat Toyuak,

HAKIM MITA 4:17

Bo kon dodai intua ki Sisera minayádon noḷagui kon ḷoḷaigan i Yael, ki buḷoi Heber, intau in Keni tatua. Sin, ki Datu Yabin nongkon Hazor noyobayat in inanakan in motoḷuadí i Heber tua.