SAMUEL 1 6:9 - Alkitab Singog In Mongondow Masa In Tanaa

⁹ Tarukiradon in bobayánea; aka Poti Dodandian tatua diaan pobayá ná butánea tontaní, inta kon kotá in Bet-Semes, tua in mangaḻenea kon ki Allahdon in intau Israel inta ain nopouma in bodito inta motoyang tatua kon i naton. Táe aka roda tatua diá nopobayá ná tua, dá kotaauandon naton kon bodito tatua in deemanbí nongkon i Allah in Israel, táe tongábí noikoḷatmai natua.”

SAMUEL 1 6:9 ပူးပေါင်းရင်းမြစ်များ

SAMUEL 2 1:6

Tubagnea, “Noikoḷatbí totok kon akuoi in kon Buḷud in Gilboa, bo nokoontong kon ki Saul in inumandoḷ kon pandongnea, bokaka kereta mita bo tontara in musung inta sinumakoi kon kabaḷo in dinimiugdon sin mongopung kon inia.

TAWARIKH 2 25:21

Tuamai in ki Yoas nobuatdon takin intaunea mita minayá in Bet-Semes bo noparang nonayow kon i Amazia kon tua.

IḶUAIAN 8:15

Naonda inontongdon i datu kon tumpaḷak mita tatua minatoidon, sia nokopotontogat bui kon ginanea. Bo ná inta ain pinoguman muna i Tuhan, ki datu in doíbí mopandungmai kon tosingogon i Musa bo i Harun.

MOHOHUTUBA 9:11

Kon dunia naa oyúonpa doman in inontongku: kon totandingan in diábí umuran intau inta moḻikat in mokountung, kon poparangan in diábí umuran intau moropot in mountung. Intau mobijaksana in diábí umuran mokouḻí kon oaidan. Bo intau mopandoi in diábí umuran mokouḻí kon kaoyúonan. Bo intau inta motaau totok diábí umuran mobaḻí ponango-nangoian. Sin ki inekabí kotugatanbí in ukur diá mopia.

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

LUKAS 10:31

Noitongkanábí kon oyúon in tobatú imang nosiḻig nongin daḷan tatua. Táe naonda inontongnea intau inta binongkug monia tua, nomarut in sia bo nongin daḷan toḷosi.

YOSUA 15:10

bo noḻibu kon dotá in toyopan Baala nopobayá ná Buḷud in Edom, bo minayá ná dotá in utuan Buḷud in Yearim (tuata in Buḷud in Kesalon), bo noponag kon Bet-Semes, onda intua minayá ná Timna.

SAMUEL 1 6:10

Dinuduian in intau mita tatua; nogamá in mosia kon sapi doyowa inta koyogotpa in pinonetéan, bo pinas monia kon roda, táe ki adí mita in sapi tatua binonudon monia kon ḷantung.

SAMUEL 1 6:12

Sapi mita tatua baḷú minayá ná Bet-Semes; Bobiagon mita tatua mayá sindaḷan moganggor, tongá diábí momarut kon daḷan moḷoben kon dotá in koḷoigi andeka koḷanan. Datu taya ḻima tatua tantú dinumudui nodapot kon sigad in Bet-Semes.

SAMUEL 1 6:3

Bo mosia in notubag, “Poti Dodandian i Allah in Israel tatua in dikabí tongá pobuion mako monimu natua, táe mustibí takinan in tombuinag sin potobut kon dosamu. Aka aidan monimu in natua dá undamandon in moiko, bo kotaauandon monimu nongonu sin ki Allah in Israel tatua in tantúbí mohukum kon i monimu.”