SAMUEL 1 6:5 - Alkitab Singog In Mongondow Masa In Tanaa

⁵ Dá moiko in musti momia popodayan kon bobentuḷ mita bo boyod inta koyogot in momogutú kon butá monimu. Aka natua dá moiko in mohoromat kon i Allah in Israel. Dika-dika bo mogogaidon in Sia mohukum kon i monimu, bo dewa mita takin butámu.

SAMUEL 1 6:5 ပူးပေါင်းရင်းမြစ်များ

TAWARIKH 1 16:28

Dayowdon in ki Tuhan, ei umat intau! Dayowdon in koagungan bo ropot-Nea.

TAWARIKH 1 16:29

Dayowdon in tangoi-Nea inta momulia, bo diádon in kuruban kon bonu in baḷoi-Nea. Sumbadon in ki Tuhan takin mogiḷambung in ḷambung ibada!

MAZMUR 18:44

Pinoḷuat-Mu in akuoi kon inanakan inta moraat, bo binaḻí-Mu in akuoi mongongawasa kon bangusa mita; bangusa inta diá kinotaauanku in nobaḻí bobantungku.

MAZMUR 32:4

Singgai doḷom Iko in mondorot kon inakó, Tuhan, ropotku in nodait naonda bo sinotop in patú in singgai.

MAZMUR 39:10

Akuoi in kibio-biómai bo diá mobuká kon bibig, sin Ikobí in nosambok kon inakó.

MAZMUR 66:3

Pogumandon kon i Allah, “Totuu mokoherang onu in inaidan-Mu! Musung tumungkud kon ini-Mu takin iḻibutan in ondok, sin totuubí moḷoben in kawasa-Mu.

IḶUAIAN 12:12

Kon doḷom tatua moḻibudon in Akuoi kon bayongan butá in Mesir, bo momatoi kon bayongan adí ḷoḷaki inta guya-guyang, pinomayá intau, ande biag. Akuoi in mohukumdon kon bayongan inta sumbaanmai monia kon Mesir, sin Akuoibí in ki Tuhan.

IḶUAIAN 8:17

Bo ki Harun nopomobakdon i tungkudnea, bo bayongan ḷobud kon Mesir nobaḷui nobaḻí yongit inta noḻibut kon intau bo mahaḷuk.

IḶUAIAN 8:24

Ki Tuhan nopoangoidon in ḷangow inta totok in mobayong kon komaḻig i datu bo kon baḷoi mita in pogawai i datu inta moḷantud. Bayongan butá in Mesir totok in mororiga popisí in ḷangow mita tatua.

IḶUAIAN 8:5

Ki Tuhan noguman kon i Musa, “Potabádon in ki Harun motonggó kon tungkudnea kon tombutungmai in ongkag mita, got mita bo tabang mita sinbá tumpaḷak mita tatua moitukatdon mita bo mopuḻingdon butá in Mesir.”

YESAYA 19:1

Naa in koyow kon Mesir. Ki Tuhan in namangoi in Mesir sinumakoi kon goḷom inta moḻikat. Berhala mita in Mesir gumugur kon tayowon-Nea bo intau mita in Mesir yimintok in gina.

YESAYA 42:12

Yo mosia in mohoromatdon kon i Tuhan, bo mopotaaudon in tangoi-Nea kon ḻipú mita moyayú.

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

YEREMIA 3:13

Akudon kon iko in kotaḷá bo ain nomarontak kon i Tuhan, Allahmu. Akudon kon bayongan siungon in pangkoi in kayu inta mobambar iko in nobogoidon in tabimu kon ilah mita in bangusa ibanea, bo diá dinumudui kon parenta-Ku mita. Akuoi, ki Tuhan ain nosingog.”

YOËL 2:25

Toḻiuan-Kubí in bayongan in karugianmu kon taong mita kon tungkuḷ in bungai in boyómu kinaan in pangkoḷá. Sin Akuoibí in inta nopotabá mangoi kon paanan in pangkoḷá tatua kon inimu.

YUNUS 3:9

Degá bo baḷuianbí i Allah in niat-Nea bo diádon tumorú dá kita in diádon moyopú!”

MALEAKHI 2:2

Horomatdon in Akuoi pongin aidmu. Aka moiko doí mokidongog kon tosingogon-Ku, moiko in kutukon-Ku. Bayongan inta tarimaan monimu saḷaku rijiki in mobaḷuidon kutuk. Totuubí, bayongan inta mopia in kinutuk-Kudon, popisí in moiko in doí mopandungmai kon parenta-Ku.

PINOGIAPAN 33:4

inta koyogot moḷobongmai kon i adí mita guya-guyang monia inta iḻimod i Tuhan. Oaid tatua, pinoponiataan i Tuhan kon Siabí in moropo-ropot nongkon ilah mita in Mesir.

YOHANES 9:24

Bo mosia in buidon nogoiní kon intau inta kon iná nobilog tatua, bo noguman kon inia, “Pongibotdon kon iko in mogumanbí kon totuu. Kinotaauan nami kon intau tatua intaubí binaradosa.”

YOSUA 7:19

Ki Yosua noguman kon i Akhan, “Adíku, pongakudon bo pogumandon kosilang kon naa kon tayowon i Tuhan, Allah in Israel, onu inta ain inaidanmu. Potaaudon kon inakó, dikadon bunion.”

WAHYU 11:13

Dá dodai intua nobaḻídon in ḻinug inta totok in moropot. Bo sepersepulú nongkon kotá tatua norimumud. Pitu noribu intau minatoi wakutu in ḻinug tatua. Intau mita ibanea in totokdon in noondok, dá nodayowdon in mosia kon koḷoḷoben in kawasa i Allah inta kon soroga.

WAHYU 14:7

Malaekat tatua in nomaḷú noropot totok, nanaa: “Koondokdon kon i Allah, bo pomuliadon in Sia! Sin naadon in wakutu i Allah mohakim kon dunia. Sumbadon in Sia inta ain nomia kon ḷangit, butá dagat bo bayongan in bokaká!”

WAHYU 16:9

Intau sinurubnea in patú inta nongkon i-Nia, bo mosia in nogodi-godimai kon tangoi i Allah inta nongawasa kon bodito mita tatua. Umpaka natuadon, táe mosia in doíbí doman in mogogai mogaid kon dosa mita monia bo doí doman modayow kon kamuliaan i Allah.

SAMUEL 1 5:11

Tuamai mosia nogoiní kon bayongan datu in Pilistin sinbá moyosipun, bo noguman, “Pobuidon in Poti Dodandian i Allah in Israel tatua kon tampatnea inta muna sinbá diá ḻimodonnea in kita bo motoḷuadí naton.” Kon bayongan in kotá tatua nodoḻiokdon sin ki Allah nohukum nobogat totok kon intau mita inta nogutun kon tua.

SAMUEL 1 5:9

Táe naonda in poti tatua noidapot kon tatua, ki Tuhan nohukum kon kotá tatua doman bo nopomuká in inta mokodoḻiok totok. Intau mita inta kon kotá tatua, pinomayá inta nongobagupa andeka inta ain noguyang ihukum takin pinopoumaan in bobentuḷ mita kon awak monia.

SAMUEL 1 6:8

Onda intua, gamádon in Poti Dodandian i Tuhan, podatogdon kon roda, bo ukatdon kon diugneamai in kas inta pinobonuan kon buḷawan mita inta musti posumba monimu kon i-Nia nobaḻí tontobut kon dosamu. Pobiódon mako in sapi bo roda tatua mayá tontaní.