SAMUEL 1 6:4 - Alkitab Singog In Mongondow Masa In Tanaa

⁴ “Tontobut onu in musti ogoi naton kon i-Nia?” intau mita tatua noḻibó. Tubag in imang mita tatua, “Ḻima in bobentuḷ buḷawan bo ḻima in boyod buḷawan, podudui in kobayong in datu mita in Pilistin. Kinotaauan bidon monimu kon bodito ná bobentuḷ mita bo boyod doman ain noiuma kon i monimu komintan, pinomayá rayat andeka datu?

SAMUEL 1 6:4 ပူးပေါင်းရင်းမြစ်များ

IḶUAIAN 12:35

Inaidan doman monia onu inta pinoguman i Musa, mosia noigum kon ḷambá buḷawan bo saḷaka takin pakeang mita kon intau in Mesir.

YOSUA 13:3

bo bayongan butá in Awi nopobayá; ná toḷatan. (Butá inta nongkon Ongkag in Sikhor kon pinosigadan in Mesir nodapot kon pinosigadan in Ekron kon dotá in utuan, tua komintan in noituot kon butá in bangusa Kanaan; bo datu mita in Pilistin nogutun kon Gaza, Asdod, Askelon, Gat bo Ekron.)

HAKIM MITA 14:19

Bo daḻídon in ki Simson nobaḻí noropot sin kinawasadon i Tuhan, bo minayá in sia in Askelon. Kon tua in sia noḻimod kon toḷu nopuḷú in intau ḷoḷaki inta nogiḷambung mongo gaga. Ginamánea in pakeang mita tatua bo inogoi kon i monia toḷu nopuḷú inta nopotaau in mangaḻe in tangkínea. Nopaḷut mako kon tua, sia nobui kon baḷoinea takin noyaat in gina.

HAKIM MITA 3:3

Bangusa mita inta nogutunpa kon butá tatua in bangusa inta nogutun kon ḻima in kotá in Pilistin, bayongan in bangusa Kanaan, bangusa Sidon, bo bangusa Hewi inta nogutun kon buḷud in Libanon, pinangkoi kon Buḷud in Baal-Hermon nodapot kon daḷan inta nopobayá in Hamat.

SAMUEL 1 5:12

Intau mita inta diá minatoi, kinotugatan in bobentuḷ mita tatua, dá intau mita kon kotá tatua nomaḷú kon dewa mita monia, mokituḷung.

SAMUEL 1 5:6

Onda intua ki Tuhan nohukum kon intau mita in Asdod bo kon butá mita inta kon diugneamai pinopoumaan-Nea in bobentuḷ mita kon awak monia.

SAMUEL 1 5:9

Táe naonda in poti tatua noidapot kon tatua, ki Tuhan nohukum kon kotá tatua doman bo nopomuká in inta mokodoḻiok totok. Intau mita inta kon kotá tatua, pinomayá inta nongobagupa andeka inta ain noguyang ihukum takin pinopoumaan in bobentuḷ mita kon awak monia.

SAMUEL 1 6:5

Dá moiko in musti momia popodayan kon bobentuḷ mita bo boyod inta koyogot in momogutú kon butá monimu. Aka natua dá moiko in mohoromat kon i Allah in Israel. Dika-dika bo mogogaidon in Sia mohukum kon i monimu, bo dewa mita takin butámu.

SAMUEL 1 6:8

Onda intua, gamádon in Poti Dodandian i Tuhan, podatogdon kon roda, bo ukatdon kon diugneamai in kas inta pinobonuan kon buḷawan mita inta musti posumba monimu kon i-Nia nobaḻí tontobut kon dosamu. Pobiódon mako in sapi bo roda tatua mayá tontaní.