SAMUEL 1 6:17 - Alkitab Singog In Mongondow Masa In Tanaa

^17-18 Pinongin natua intau in Pilistin nobogoidon kon i Tuhan in sosumba potobut kon dosa in intau mita inta nogutun kon kotá ḻima inta pinarentaan in datu in Pilistin taya ḻima. Naa in tangoi in kotá mita tatua: Asdod, Gaza, Askelon, Gat bo Ekron. Kon sigad in kotá mita tatua oyúon in dininding oyúon doman in diá. Batúan in kotá tatua nokidia tumongo batu doman in bobentuḷ buḷawan bo boyod buḷawan tobatú. Tomponuot kon onu inta nobaḻí tatua in batu moḷoben tampat pinogukatan monia kon Poti Dodandian i Tuhan. Dapotpabí in tanaa batu tatua oyúonpa kon gobá i Yosua, intau in Bet-Semes tatua.

SAMUEL 1 6:17 ပူးပေါင်းရင်းမြစ်များ

SAMUEL 2 1:20

Poigumon mako in intau mita in Gat diá nokodongog kon habar tatua. Poigumon mako in lorong mita in Askelon diá nokodongog kon habar soaḷ tatua. Dika modapot in bobay mita in Pilistin morogiowdon dika modapot in bobay kaper momaḷú moyotakin.

SAMUEL 2 21:22

Intau opat inta iḻimod i Daud bo in tontaranea, in buí in tuyá kon Gat.

DATU MITA 2 1:2

Kon singgai tobatú ki Datu Ahazia nongkon Israel noḷabú nongkon dangkuḷon kon ḷundukan in komaḻignea kon Samaria, nodapot in sia kinekeban nodaḷom. Dá nopotabá in sia in intau sin moḻibó kon i Baal-Zebub, dewa in kotá in Ekron kon Pilistin, degá mopiapa in sia mongo diádon.

TAWARIKH 2 26:6

Ki Uzia in noparang nonayow kon intau in Pilistin. Sia in norumbun kon dinding mita in kotá in Gad, Yabne, bo Asdod, bo noposindog in kotá mita inta dininding kon diug in Asdod bo kon butá ibanea kon Pilistin.

IMAMAT 5:7

Táe aka intau inta kotaḷá tatua diá mokopooyúon kon domba ande bembé sin potobut kon dosanea, dá sia in mustidon modia kon ḷagapan tarangkuku togapang ande ḷagapan paḷoma moḻinea, tobatú in baḻíon kuruban potobut kon dosa, bo tobatú in baḻíon kuruban inta tubáan.

AMOS 1:6

Ki Tuhan in noguman, “Intau in Gaza in nopobui-buimaidon nogaid kon dosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú bo pinotaḷui nobaḻí ata kon intau in Edom.

AMOS 6:2

Bayádon indoiai in kon Kalne, bo bayádon turus kon kotá in Hamat inta moḷoben tua, onda intua bayá in kotá in Gat kon Pilistin. Kainimu kamai dá kotábí mita tatua in mopia-pia nongkon dodatuan in Yohuda bo Israel? Eta degá butá monia in moḷobe-ḷoben nongkon butámu?

ULANGAN 28:27

Ki Tuhan in mohukumbí kon i monimu takin mopouma in bituḷ mita ná inta pinopouma-Nea kon intau mita in Mesir. Awakmu in mopuḻingdon in kekeb bo momuka inta mokokatoḷ, táe diábí in undamnea.

HAKIM MITA 1:18

Ki Tuhan notuḷung kon intua in Yohuda dá kinoagowan monia in butá kon buḷud. Táe diá kinoagowan monia in Gaza, Askelon ande Ekron bo butá mita kon diugneamai, sin bangusa mita inta nogutun kon bingkí mita in tubig oyúon in kereta mita in parang inta pinomia nongkon uatoi; tuamai intau mita in Yohuda in diá nokopoguntun kon i monia.

HAKIM MITA 14:19

Bo daḻídon in ki Simson nobaḻí noropot sin kinawasadon i Tuhan, bo minayá in sia in Askelon. Kon tua in sia noḻimod kon toḷu nopuḷú in intau ḷoḷaki inta nogiḷambung mongo gaga. Ginamánea in pakeang mita tatua bo inogoi kon i monia toḷu nopuḷú inta nopotaau in mangaḻe in tangkínea. Nopaḷut mako kon tua, sia nobui kon baḷoinea takin noyaat in gina.

HAKIM MITA 16:1

Kon singgai tobatú ki Simson minayá in Gaza. Kon tua sia noyodungkuḷ in bobay sundaḷ tobatú bo minayá in sia nosiug takin bobay tatua.

HAKIM MITA 16:21

Dá intau mita in Pilistin nodomokdon kon inia bo nonurak kon batoḷ in matanea. Dinia monia in sia minayá in Gaza bo sinogot monia in rante bitú doyowa, bo pinotuot monia kon ponjara. Kon tua pinoki giḻingan monia in sia.

SAMUEL 1 5:1

Naonda in intau in Pilistin nogagow kon Poti Dodandian i Allah, dinia monia nongkon Eben Haezer pinobayá in kotá monia, Asdod.

SAMUEL 1 5:10

Bo Poti Dodandian tatua inatod kon Ekron, kotá in Pilistin ibanea doman. Naonda in yaput in kotá tatua in poti tatua, intau mita kon tua nomaḷú kai monia, “Poti Dodandian i Allah in Israel dinia mangoi kon naa sin moḻimod kon i naton komintan.”

SAMUEL 1 5:8

Tuamai in nogoiní in mosia kon datu in Pilistin taya ḻima sin moyosipun, bo noḻibó, “Onuon naton in Poti Dodandian i Allah in Israel tatua?” Tubag in datu mita tatua, “Pampingdon kon kotá in Gat.” Dá, poti tatua pinampingdon kon kotá in Gat, kotá tobatú ibanea kon Pilistin.

SAMUEL 1 6:4

“Tontobut onu in musti ogoi naton kon i-Nia?” intau mita tatua noḻibó. Tubag in imang mita tatua, “Ḻima in bobentuḷ buḷawan bo ḻima in boyod buḷawan, podudui in kobayong in datu mita in Pilistin. Kinotaauan bidon monimu kon bodito ná bobentuḷ mita bo boyod doman ain noiuma kon i monimu komintan, pinomayá rayat andeka datu?