SAMUEL 1 6:16 - Alkitab Singog In Mongondow Masa In Tanaa

¹⁶ Naonda in datu in Pilistin taya ḻima tatua nokoontong kon bayongan tua nobuidon in mosia kon Ekron kon singgai doman tuata.

SAMUEL 1 6:16 ပူးပေါင်းရင်းမြစ်များ

YOSUA 13:3

bo bayongan butá in Awi nopobayá; ná toḷatan. (Butá inta nongkon Ongkag in Sikhor kon pinosigadan in Mesir nodapot kon pinosigadan in Ekron kon dotá in utuan, tua komintan in noituot kon butá in bangusa Kanaan; bo datu mita in Pilistin nogutun kon Gaza, Asdod, Askelon, Gat bo Ekron.)

HAKIM MITA 16:5

Dá namangoidon in intau ḻima pongawasa in Pilistin kon bobay tatua bo noguman, “Dondouḷugaidon in ki Simson sinbá potaauneadon kon inimu onu in nobaḻí dodoyonan in ropotnea, bo naonda in pongonginggamá kon ropotnea tatua. Aka kotaauandon dá kami in mamangoidon bo motogot kon inia poḷat monaḷow kon inia. Bain kon batúan nami in mobogoidon in doit kon inimu tumongo ribu bo mogatut in doit saḷaka.”

HAKIM MITA 3:3

Bangusa mita inta nogutunpa kon butá tatua in bangusa inta nogutun kon ḻima in kotá in Pilistin, bayongan in bangusa Kanaan, bangusa Sidon, bo bangusa Hewi inta nogutun kon buḷud in Libanon, pinangkoi kon Buḷud in Baal-Hermon nodapot kon daḷan inta nopobayá in Hamat.

SAMUEL 1 5:10

Bo Poti Dodandian tatua inatod kon Ekron, kotá in Pilistin ibanea doman. Naonda in yaput in kotá tatua in poti tatua, intau mita kon tua nomaḷú kai monia, “Poti Dodandian i Allah in Israel dinia mangoi kon naa sin moḻimod kon i naton komintan.”

SAMUEL 1 6:12

Sapi mita tatua baḷú minayá ná Bet-Semes; Bobiagon mita tatua mayá sindaḷan moganggor, tongá diábí momarut kon daḷan moḷoben kon dotá in koḷoigi andeka koḷanan. Datu taya ḻima tatua tantú dinumudui nodapot kon sigad in Bet-Semes.

SAMUEL 1 6:4

“Tontobut onu in musti ogoi naton kon i-Nia?” intau mita tatua noḻibó. Tubag in imang mita tatua, “Ḻima in bobentuḷ buḷawan bo ḻima in boyod buḷawan, podudui in kobayong in datu mita in Pilistin. Kinotaauan bidon monimu kon bodito ná bobentuḷ mita bo boyod doman ain noiuma kon i monimu komintan, pinomayá rayat andeka datu?