SAMUEL 1 6:14 - Alkitab Singog In Mongondow Masa In Tanaa

¹⁴ Roda tatua nogogai kon diug in batu moḷoben kon gobá i Yosua, intau in Bet-Semes tobatú. Intau mita kon kotá tatua noniai kon kayu in roda tatua bodongka noratá kon sapi doyowa tatua sin baḻíon kuruban payongon kon i Tuhan.

SAMUEL 1 6:14 ပူးပေါင်းရင်းမြစ်များ

SAMUEL 2 24:18

Kon singgai doman tatua ki Gad in namangoi kon tayowon i Daud bo noguman kon inia, “Aka motaau yo poponikpa in ki Tuang kon tampat poḷoḻintogan kon gandum inta kapunyaan i Arauna, bo posindogdon i mezbah kon i Tuhan.”

SAMUEL 2 24:22

Guman i Arauna, “Gamádon Tuang datu, bo posumbadon kon i Tuhan onu inta inanggap i Tuang datu mopia. Naa in sapi mita ogoi mobaḻí kuruban payongon bo kayu pondungú motaaubí in ki Tuang datu mopondungú in puḷu mita in pajeko bo dopí mita poḷoḻintogan.”

SAMUEL 2 24:25

Bo noposindogdon in ki Daud in mezbah kon tua kon i Tuhan bo noposumba in kuruban payongon takin kuruban dodamean. Ki Tuhan in nokidongogdon kon sambayang i Daud, bo nopaḷutdon in yampoi tatua kon Israel.

DATU MITA IMITÁNEA 19:21

Ki Elisa in nobui kon gobánea bo noratá kon sapinea mita. Kayu puḷu in pajekonea binaḻínea kayu pondungú kon pinodungúan kon ponoyá in sapi mita tatua. Onda intua sinila-silaineadon mako in ponoyá mita tatua kon intaunea mita bo kinaan monia. Nopaḷut mako kon tua ki Elisa minayá dinumudui kon i Elia bo nobaḻí mototuḷungnea.

IḶUAIAN 20:24

Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

HAKIM MITA 21:4

Nopoikoḷomai kon singgai, subupa totok, umat in Israel noposindogdon in mezbah kon tua, bodongka noposumba kon i Tuhan in kuruban payongon bo kuruban pondamean.

HAKIM MITA 6:26

Posindogdon kon tua in mezbah tobatú inta ain inaidan sinompia mangoi. Onda intua sapi koḷakian tatua komintan, musti tubáanmu komintan mobaḻí kuruban kon i Tuhan. Pondungúdon in kayu oigi inta nobaḻí lambang i Dewi Asyera inta ain inumpagmu tua.”

SAMUEL 1 11:5

Kon dodai intua ki Saul bagupa nobui nongkon gobánea takin kodia-dia in sapinea. Dá noḻibó in sia, “Onu in nobaḻí? Nongonu sin bayongan in intau in mongombaḷbí?” Bo pinotaaudon kon inia in habar inta pinotaau in totabá nongkon Yabesh tatua.

SAMUEL 1 20:29

Kainia, ‘Ogoiaipa in akuoi in wakutu mayá, sin motoḷuadíku in yogot morame kon pobogoian kon kuruban kon Betlehem, bo akuoi in pinotabá i guya-guyangku mamangoi. Tuamai, aka ogoimu, dá biódon mako in akuoi mayá mokipodungkuḷ kon utatku mita.’ Manangka intua diá in sia namangoi kon pinongaanan noyotakin naa, Amá.”

SAMUEL 1 6:13

Kon dodai intua intau mita kon Bet-Semes koyogot in nosipun kon bungai in boyó gandum kon ḷopá. Naonda in inontong monia in Poti Dodandian tatua, takin pia in gina sinontomu monia intua.