SAMUEL 1 5:9 - Alkitab Singog In Mongondow Masa In Tanaa

⁹ Táe naonda in poti tatua noidapot kon tatua, ki Tuhan nohukum kon kotá tatua doman bo nopomuká in inta mokodoḻiok totok. Intau mita inta kon kotá tatua, pinomayá inta nongobagupa andeka inta ain noguyang ihukum takin pinopoumaan in bobentuḷ mita kon awak monia.

SAMUEL 1 5:9 ပူးပေါင်းရင်းမြစ်များ

MAZMUR 78:66

Sia in nomongkug kon musung-Nea nodapot in inumundok, bo nonaḷow kon i monia modapot in mononoi.

AMOS 5:19

Kaadaannea in naonda bo intau inta noḷagui kon singa, táe noyodungkuḷ in beruang. Andeka naonda bo intau inta nobui kon baḷoi bo nopotungkud in ḻimanea kon dinding, bo sinobak in uḷag!

ULANGAN 2:15

Ki Tuhan umuranbí moḷawang kon i monia nodapot in mosia noyopú komintan.

SAMUEL 1 12:15

Tongá, aka moiko diá mokidongog kon i Tuhan, bo modapotdon in moḷawang kon parenta-Nea, yo notantú bidon kon moiko bo datumu in ḷawangon bidon i Tuhan.

SAMUEL 1 5:10

Bo Poti Dodandian tatua inatod kon Ekron, kotá in Pilistin ibanea doman. Naonda in yaput in kotá tatua in poti tatua, intau mita kon tua nomaḷú kai monia, “Poti Dodandian i Allah in Israel dinia mangoi kon naa sin moḻimod kon i naton komintan.”

SAMUEL 1 5:11

Tuamai mosia nogoiní kon bayongan datu in Pilistin sinbá moyosipun, bo noguman, “Pobuidon in Poti Dodandian i Allah in Israel tatua kon tampatnea inta muna sinbá diá ḻimodonnea in kita bo motoḷuadí naton.” Kon bayongan in kotá tatua nodoḻiokdon sin ki Allah nohukum nobogat totok kon intau mita inta nogutun kon tua.

SAMUEL 1 5:6

Onda intua ki Tuhan nohukum kon intau mita in Asdod bo kon butá mita inta kon diugneamai pinopoumaan-Nea in bobentuḷ mita kon awak monia.

SAMUEL 1 6:11

Bo Poti Dodandian tatua pinodatogdon monia kon roda, takin doman kas inta pinobonuan kon boyod buḷawan bo bobentuḷ mita buḷawan inta pinodayan kon bobentuḷ mita tatua.

SAMUEL 1 7:13

Natuata in nobaḻí, intau in Pilistin sinaḷow. Diá inogoi i Tuhan in mosia sinumuot bui kon butá in Israel, kon dodai in ki Samuel nobiagpa.