SAMUEL 1 5:8 - Alkitab Singog In Mongondow Masa In Tanaa

⁸ Tuamai in nogoiní in mosia kon datu in Pilistin taya ḻima sin moyosipun, bo noḻibó, “Onuon naton in Poti Dodandian i Allah in Israel tatua?” Tubag in datu mita tatua, “Pampingdon kon kotá in Gat.” Dá, poti tatua pinampingdon kon kotá in Gat, kotá tobatú ibanea kon Pilistin.

SAMUEL 1 5:8 ပူးပေါင်းရင်းမြစ်များ

AMOS 6:2

Bayádon indoiai in kon Kalne, bo bayádon turus kon kotá in Hamat inta moḷoben tua, onda intua bayá in kotá in Gat kon Pilistin. Kainimu kamai dá kotábí mita tatua in mopia-pia nongkon dodatuan in Yohuda bo Israel? Eta degá butá monia in moḷobe-ḷoben nongkon butámu?

ZAKHARIA 12:3

Táe aka singgai tatua moiangoi, baḻíon-Ku in Yerusalem naonda bo batu inta mobogat; bangusa taondaka in moḷongasi mobuat kon tua yo moboditobí. Bayongan in bangusa kon dunia in dumugangbí sin monubu kon Yerusalem.

YOSUA 13:3

bo bayongan butá in Awi nopobayá; ná toḷatan. (Butá inta nongkon Ongkag in Sikhor kon pinosigadan in Mesir nodapot kon pinosigadan in Ekron kon dotá in utuan, tua komintan in noituot kon butá in bangusa Kanaan; bo datu mita in Pilistin nogutun kon Gaza, Asdod, Askelon, Gat bo Ekron.)

YOSUA 15:11

Nongkon Timna, sigad tatua nopobayá ná dotá in utuan kon Buḷud in Ekron, bodongka nomurow nopobayá ná Sikron, noitaḻib kon Buḷud in Baala, bo nopobayá ná Yabneel, bo sinimpod kon Dagat Toyuak,

SAMUEL 1 17:4

Dá intau tobatú inta motoyang moropatoi inta ki Goliat in tangoinea, nongkon kotá in Gat iḻumuai nongkon pinononḷoḷaigan in Pilistin sin monontot kon intau in Israel. Koḷantudnea tua in degá toḷumai nometer,

SAMUEL 1 17:52

Intau mita in Israel bo Yohuda norogiowdon bo nondudur kon intau mita in Pilistin nodapot in Gat bo ngara moḷoben in Ekron. Intau mita in Pilistin inta kinekeban moyo-moyoguntuḷ in kon daḷan mopobayá in Saaraim tua.

SAMUEL 1 29:6

Bo inoinídon i Akhis in ki Daud bo noguman kon inia, “Akuoi naa in mopirisaya podoyon kon i Tuhan inta nobiag, kon iko nion in mosatiabí kon inakó. Mopiabí in ginaku aka iko motaau moyotakinku kon poparangan tanaa. Sin pinangkoipamai in iko namangoi kon inakó nodapot in tanaa mako, diábí kinokadapatanku in iko kon taḷámu. Táe datu mita ibanea in doí kon inimu.

SAMUEL 1 5:11

Tuamai mosia nogoiní kon bayongan datu in Pilistin sinbá moyosipun, bo noguman, “Pobuidon in Poti Dodandian i Allah in Israel tatua kon tampatnea inta muna sinbá diá ḻimodonnea in kita bo motoḷuadí naton.” Kon bayongan in kotá tatua nodoḻiokdon sin ki Allah nohukum nobogat totok kon intau mita inta nogutun kon tua.

SAMUEL 1 5:7

Naonda in inontong monia onu inta yogot mobaḻí kon i monia tatua, mosia noguman, “Ki Allah in Israel nohukum kon inaton bo kon i Dagon dewa naton. Diábí motaau in pomayá mako naton kon naa in Poti Dodandian-Nea tantú kon naa koonggotonpa.”

SAMUEL 1 6:2

intau in Pilistin nogoiní kon imang mita bo mososihir bo noḻibó, “Onuon naton in Poti Dodandian i Tuhan tatua? Aka pobuion naton kon tampatnea, yo naonda in mopobui?”