SAMUEL 1 5:11 - Alkitab Singog In Mongondow Masa In Tanaa

¹¹ Tuamai mosia nogoiní kon bayongan datu in Pilistin sinbá moyosipun, bo noguman, “Pobuidon in Poti Dodandian i Allah in Israel tatua kon tampatnea inta muna sinbá diá ḻimodonnea in kita bo motoḷuadí naton.” Kon bayongan in kotá tatua nodoḻiokdon sin ki Allah nohukum nobogat totok kon intau mita inta nogutun kon tua.

SAMUEL 1 5:11 ပူးပေါင်းရင်းမြစ်များ

IḶUAIAN 10:7

Nopaḷut mako kon tua nogumandon in pogawai mita tatua kon i datu, “Dapotbí in toonu intau tatua musti mopororiga kon inaton? Pomayádon mako in intau mita Israel tatua mayá sin moibada kon i Tuhan, Allah monia. Indoiaika in butá naton tanaa aindon nogoguyaat!”

SAMUEL 1 5:10

Bo Poti Dodandian tatua inatod kon Ekron, kotá in Pilistin ibanea doman. Naonda in yaput in kotá tatua in poti tatua, intau mita kon tua nomaḷú kai monia, “Poti Dodandian i Allah in Israel dinia mangoi kon naa sin moḻimod kon i naton komintan.”

SAMUEL 1 5:6

Onda intua ki Tuhan nohukum kon intau mita in Asdod bo kon butá mita inta kon diugneamai pinopoumaan-Nea in bobentuḷ mita kon awak monia.

SAMUEL 1 6:5

Dá moiko in musti momia popodayan kon bobentuḷ mita bo boyod inta koyogot in momogutú kon butá monimu. Aka natua dá moiko in mohoromat kon i Allah in Israel. Dika-dika bo mogogaidon in Sia mohukum kon i monimu, bo dewa mita takin butámu.