SAMUEL 1 4:21 - Alkitab Singog In Mongondow Masa In Tanaa

^21-22 Adí tatua sinangoiannea ki Ikabod, kainia, “Koangoian i Allah Inta Momulia nobuḻidon nongkon Israel.” – Inta imakusudnea tua in Poti Dodandian aindon inagow bo ki nunutonnea takin ki buḷoinea minatoi domandon. Tuamai sia noguman, “Koangoian i Allah Inta Momulia nobuḻidon nongkon Israel, sin Poti Dodandian i Allah inagowdon.”

SAMUEL 1 4:21 ပူးပေါင်းရင်းမြစ်များ

MAZMUR 106:20

Mosia in noponoḻiu kon i Allah inta moḷantud takin patong in sapi mokokaan kon bonok.

MAZMUR 26:8

Akuoi in moibog kon Baḷoi-Mu, o Tuhan, pinogutunan-Mu inta notangkup in kamuliaan.

MAZMUR 78:61

Pinomayá-Nea mako in Poti Dodandian-Nea dinakop; lambang in kamuliaan-Nea inagow in musung.

MAZMUR 78:64

Imang mita monia iḻimod in kedang, boba-bobay mita monia diá mokopogamui.

YEREMIA 2:11

Diápabí nokoimontanmai in bangusa tobatú in noponoḻiu in ilahnea umpaka tua deeman Allah totu-totuu. Táe, umat-Ku in noponoḻiudon kon i-Nakó, inta mokoyunggagá kon i monia sinoḻiuan monia in ibanea mako inta diá mokoaid kon onu bo onu.

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

HOSEA 9:12

Táe umpaka oyúon in adí mita inta pononggadí bo biniag, mosia in gamáan-Kubí; diábí tobatúmai in intau in pomayá-Ku mako mobiag. Moboditodon in moiko, ei bangusa in Israel, aka taḷaan-Ku in moiko!”

SAMUEL 1 14:3

(Imang inta nodia kon epod in ki Ahiya adí i Ahitub, inta ki utat i Ikabod adí i Pinehas, bo ki Pinehas ki adí i Eli, in imang i Tuhan kon Silo.) Kinotaauan domandon in rayat kon ki Yonatan in minayá domandon nongkon tua.

SAMUEL 1 2:34

Mobaḻí tomponuot kon bayongan inta ain pinoguman-Ku tua in totuubí, dá ki adímu doyowa tatua, ki Hopni bo ki Pinehas in matoibí kon tongosinggai monag.

SAMUEL 1 3:12

Kon singgai tatua mogaidon in Akuoi kon bayongan inta ain pinotaau-Ku kon motoḷuadí i Eli nongkon pinomangkoianmai nodapot in pangabisan.

SAMUEL 1 4:11

Poti Dodandian i Allah inagow in musung in Israel, bo ki adí i Eli doyowa, ki Hopni bo ki Pinehas, minatoi.