SAMUEL 1 4:2 - Alkitab Singog In Mongondow Masa In Tanaa

² Tontara in Pilistin nomangkoidon nonubu, bo naonda in nomangkoidon noparang totok, tontara in Israel sinaḷow bo degá opatmai noribu in minatoi kon pinoparangan tatua.

SAMUEL 1 4:2 ပူးပေါင်းရင်းမြစ်များ

OMBAḶ 3:40

Biódon mako kita in monaridi kon kobobiag naton, bo mobui kon i Tuhan Allah kon soroga. Igai bukatan naton in gina bo mosambayang,

IMAMAT 26:37

Moiko in moḷagui bo moyodangat, umpakabí diá in mogaḷow. Bo moiko in diábí mokosanggup monayow kon musungmu mita.

PINOGIAPAN 14:45

Dá intau in Amalek bo intau in Kanaan inta nogutun kon tua nonubu bo poḷat nonaḷow kon intau mita in Israel bo nondudur kon i monia nodapot kon Horma.

YOSUA 7:12

Tuamai in mosia diá mokotongkod kon musung. Mosia sinaḷow in musung sin mosia tontaní aindon pinopoḷabúan in hukuman sin yopúon. Diá bidon takinan-Ku bui in moiko, aka barang mita inta diá motaau gamáan tatua diápa payongon.

SAMUEL 1 17:21

Tontara in Pilistin bo tontara in Israel noyogintayowdon bo tumpaḷadon nosadia moparang.

SAMUEL 1 17:8

Ki Goliat in sinumogon bo nomaḷú kon tontara in Israel, “Onu in aidan monimu kon nion? Moibog moparang degá in moiko? Akuoi naa in intau in Pilistin ei ata mita i Saul! Piḻídon in intau tobatú kon sigad monimu inta mokobaḻí mamangoi moparang takinku.

SAMUEL 1 4:1

Kon dodai intua intau in Pilistin nopotabádon in bayongan in tontaranea sin moḻibut kon Israel; tuamai tontara in Israel minayá in tampat pinoparangan; mosia nononḷoḷaigan kon diug in Eben-Haezer, bo tontara in Pilistin nononḷoḷaigan kon Apek.

SAMUEL 1 4:10

Onda intua noparangdon totok in intau in Pilistin bo poḷat nonaḷow kon intau in Israel. Intau in Israel noḷagui minayá in ḷoḷaigannea-ḷoḷaigannea. Totuu moḷoben in kinotaḷowan tatua: aindon 30.000 in tontara in Israel in minatoi.

SAMUEL 1 4:3

Naonda in kiagat in tontara inta sinaḷow tatua nobui kon pinononḷoḷaigan, itoi mita in Israel noguman, “Nongonu degá sin pinomayá bidon mako i Tuhan in kita sinaḷow in intau in Pilistin kon singgai in naa? Igai gamáan naton in Poti Dodandian i Tuhan nongkon Silo, bo diaan naton mangoi, sinbá ki Tuhan motuḷung kon inaton bo moposaḷamat kon inaton nongkon musung.”