SAMUEL 1 4:18 - Alkitab Singog In Mongondow Masa In Tanaa

¹⁸ Naonda in intau tatua nopotaau in soaḷ Poti Dodandian tatua, ki Eli noḷabú noiboḻingkayang nongkon kaderanea kon ḻimako in ngara moḷoben. Nogoguyangdon totok in sia bo noḷongó dá naonda in noḷabú sigogownea noputoḷ, bo poḷat minatoi in sia. Sia in nobaḻí itoi kon Israel opat nopuḷú notaong in koonggotnea.

SAMUEL 1 4:18 ပူးပေါင်းရင်းမြစ်များ

MAZMUR 26:8

Akuoi in moibog kon Baḷoi-Mu, o Tuhan, pinogutunan-Mu inta notangkup in kamuliaan.

MAZMUR 42:10

Akuoi in noguman kon i Allah, mododuḷuku, “Nongonu sin kinoḻiongan-Mubí in akuoi? Nongonu sin akuoi in mustibí umuran mobaba kon roriga, popisí in doroton in musungku mita?”

MAZMUR 42:3

Akuoi in mokotanob kon i Allah inta nobiag, toonu in motaau in akuoi mayá moibada kon Baḷoi-Nea?

MAZMUR 69:9

Akuoi in nádon onda bo intau ango-angoi kon sigad in ginaḷumku, naonda bo intau ibanea kon i guya-guyang bo kon i ai-aiku.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

HAKIM MITA 15:20

Doyowa nopuḷú notaong in koonggotnea in ki simson nobaḻí itoi kon umat in Israel kon tungkuḷ in mosia kinawasa in intau in Pilistin.

SAMUEL 1 4:13

Ki Eli, inta totokdon in moḻia-ḻiaw in gina momikirmai kon kasaḷamatan in Poti Dodandian i Tuhan, ḻimitú mako kon kadera kon bingkí in daḷan, koyogot in momikirmai. Naonda in intau tatua nopotaaudon in habar kino taḷowan in Israel, bayongan in intau kon kotá tatua noguang totok.

SAMUEL 1 4:17

Intau inta nodia kon habar tatua notubag, “Israel noḷagui kon intau in Pilistin. Kita in sinaḷow totok. Nobayong in intau in minatoi, ki adí doman i amá inta doyowa, ki Hopni bo ki Pinehas. Bo Poti Dodandian i Allah inagow in musung!”

SAMUEL 1 4:19

Kon dodai intua ki buḷoi i Pinehas inta ki adí i Eli, sidiadon moḷoben, bo diádon moonggot in mononggadí. Naonda in dinongognea kon Poti Dodandian i Allah ain inagow, bo ki nunutonnea takin ki buḷoinea in minatoidon, daḻídon in sia nokorasa kon nakit sin mononggadí, bo diá noonggot kon tua nononggadídon in sia.