SAMUEL 1 4:17 - Alkitab Singog In Mongondow Masa In Tanaa

¹⁷ Intau inta nodia kon habar tatua notubag, “Israel noḷagui kon intau in Pilistin. Kita in sinaḷow totok. Nobayong in intau in minatoi, ki adí doman i amá inta doyowa, ki Hopni bo ki Pinehas. Bo Poti Dodandian i Allah inagow in musung!”

SAMUEL 1 4:17 ပူးပေါင်းရင်းမြစ်များ

MAZMUR 78:61

Pinomayá-Nea mako in Poti Dodandian-Nea dinakop; lambang in kamuliaan-Nea inagow in musung.

MAZMUR 78:64

Imang mita monia iḻimod in kedang, boba-bobay mita monia diá mokopogamui.

SAMUEL 1 2:34

Mobaḻí tomponuot kon bayongan inta ain pinoguman-Ku tua in totuubí, dá ki adímu doyowa tatua, ki Hopni bo ki Pinehas in matoibí kon tongosinggai monag.

SAMUEL 1 3:11

Bo nogumandon in ki Tuhan kon inia, “Mogaidon in Akuoi kon inta totok in motoyang kon intau in Israel, dá bayongan in intau inta mokodongog kon tua in motoboḻingodon.

SAMUEL 1 3:12

Kon singgai tatua mogaidon in Akuoi kon bayongan inta ain pinotaau-Ku kon motoḷuadí i Eli nongkon pinomangkoianmai nodapot in pangabisan.

SAMUEL 1 4:16

Intau tatua noguman kon i Eli, “Akuoi noḷagui in singgai naa nongkon tampat pinoparangan bo bagupa nodapot.” Ki Eli noḻibó kon inia, “Naonda in habar, adíku?”

SAMUEL 1 4:18

Naonda in intau tatua nopotaau in soaḷ Poti Dodandian tatua, ki Eli noḷabú noiboḻingkayang nongkon kaderanea kon ḻimako in ngara moḷoben. Nogoguyangdon totok in sia bo noḷongó dá naonda in noḷabú sigogownea noputoḷ, bo poḷat minatoi in sia. Sia in nobaḻí itoi kon Israel opat nopuḷú notaong in koonggotnea.