SAMUEL 1 31:8 - Alkitab Singog In Mongondow Masa In Tanaa

⁸ Nopoikoḷomai kon singgai naonda in intau in Pilistin mamangoi sin mogamá kon barang mita kon intau mita inta ain minatoi, nouḻímai monia yo ki Saul bo ki adínea toḷu in minatoidon kon buḷud in Gilboa.

SAMUEL 1 31:8 ပူးပေါင်းရင်းမြစ်များ

SAMUEL 2 1:20

Poigumon mako in intau mita in Gat diá nokodongog kon habar tatua. Poigumon mako in lorong mita in Askelon diá nokodongog kon habar soaḷ tatua. Dika modapot in bobay mita in Pilistin morogiowdon dika modapot in bobay kaper momaḷú moyotakin.

SAMUEL 2 1:21

Ei buḷud mita in Gilboa, indongogaidon in baḷúku: Dika modapot in oḷú bo uyan momuntad kon inimu! Pomayádon mako moingkag bo moḷogat in gobá bo tampat popokaanmu in biag. Sin kon tuata in kinogambatan in kaḻeaw in intau mita mobarani. Bo kaḻeaw i Saul in kaḻiotáan, diádon iḻepoan bui in ḷana.

TAWARIKH 1 10:8

Nopoikoḷomai kon singgai kon dodai in intau in Pilistin namangoi sin mogagow kon mayat mita, nouḻídon monia in ki Saul bo ki adínea ḷoḷaki taya toḷu minatoidon kon buḷud in Gilboa.

TAWARIKH 2 20:25

Dá ki Yosapat takin intaunea mita minayá nogagow kon pakakat mita in musung. Nokouḻí in mosia kon bobiagon mobayong, bo touḷut mita, ḷambung, bo pakakat mita inta koboḻi ibanea. Nopaḷut mako nosipun kon pakakat mita tatua toḷu nosinggai in koonggotnea, nobayongpa doman in pakakat mita ibanea, dá pakisadon sinaḷáanmai.

SAMUEL 1 28:4

Dá naonda in tontara in Pilistin noyosipun bo nononḷoḷaigan kon diug in kotá in Sunem, ki Saul nosipundon kon intau in Israel, bo nononḷoḷaigan in mosia kon Buḷud in Gilboa.

SAMUEL 1 31:7

Naonda in intau mita in Israel inta nogutun kon ḻimakomai in Ḷopá in Yizreel bo kon dotá in pomukaan kon Ongkag in Yordan nokodongog kon tontara in Israel ain noḷagui, bo ki Saul takin i adínea mita ḷoḷaki ain minatoi, noḷaguidon in mosia nonaḷámai kon kotá mita monia. Bo kinawasadon in intau in Pilistin in kotá mita tatua.

SAMUEL 1 31:9

Pinongkó monia in uḷu i Saul bo ginamá monia in ḷambung in parangnea, bo intau in Pilistin nopotabá in intau minayá in bayongan butá in Pilistin bo nopotaau in habar mopia tatua kon rayat bo kon dewa monia.