SAMUEL 1 31:7 - Alkitab Singog In Mongondow Masa In Tanaa

⁷ Naonda in intau mita in Israel inta nogutun kon ḻimakomai in Ḷopá in Yizreel bo kon dotá in pomukaan kon Ongkag in Yordan nokodongog kon tontara in Israel ain noḷagui, bo ki Saul takin i adínea mita ḷoḷaki ain minatoi, noḷaguidon in mosia nonaḷámai kon kotá mita monia. Bo kinawasadon in intau in Pilistin in kotá mita tatua.

SAMUEL 1 31:7 ပူးပေါင်းရင်းမြစ်များ

IMAMAT 26:32

Poguraaton-Ku in butá monimu, modapot in musungmu mita inta mongawasa moitongaudon in mokoontong kon tua.

IMAMAT 26:36

Intaumu mita inta kon pinoḷumbúanpa kon butá intau, popogonúan-Kudon in ondok moḷoben, modapot in umpaka tongá singog in daun irupon tompot yo poḷaguian monia. Moiko in moḷagui naonda bo inaḷowan kon bonu in parang, bo moḷabú umpaka diá in musung kon diugmu.

ULANGAN 28:33

Bangusa ango-angoi in mogamádon kon bayongan bungai in boyómu inta nouḻí monimu takin iyumoyiga in nogaid, táe moiko tontaní in diábí mokouḻí kon onu bo onu koḻikudbí in umuran tonggataan bo popoaidan monia in aid moraat.

HAKIM MITA 6:2

Intau in Israel moondokdon totok kon intau in Midian, nodapot in mosia nogadopdon kon angob mita kon tampat mita ibanea inta moaman inta kon buḷud mita.

SAMUEL 1 13:6

Onda intua mosia in nonubudon totok kon intau in Israel, nodapot intau in Israel totokdon in moigupit. Tongonumai in intau mita in Israel nogadopdon kon bonu in angob bo kon bubú mita in buḷud andeka tumuot kon sigad mita in batu karang, andeka kon bonu in parigí bo bubú in butá,

SAMUEL 1 13:7

oyúon doman in iḷumoḷan kon Ongkag in Yordan bo minayá in butá in Gad bo Gilead. Ki Saul in kon Gilgalpa, bo rayat inta dinumudui kon inia in urotdon mako sin moondok.

SAMUEL 1 31:6

Natuata in kinopopatoi i Saul takin i adínea ḷoḷaki toḷu, bo bayongan in intaunea bo tayowmobiag tatua in minatoi tosinggai monag tua.

SAMUEL 1 31:8

Nopoikoḷomai kon singgai naonda in intau in Pilistin mamangoi sin mogamá kon barang mita kon intau mita inta ain minatoi, nouḻímai monia yo ki Saul bo ki adínea toḷu in minatoidon kon buḷud in Gilboa.