SAMUEL 1 31:6 - Alkitab Singog In Mongondow Masa In Tanaa

⁶ Natuata in kinopopatoi i Saul takin i adínea ḷoḷaki toḷu, bo bayongan in intaunea bo tayowmobiag tatua in minatoi tosinggai monag tua.

SAMUEL 1 31:6 ပူးပေါင်းရင်းမြစ်များ

SAMUEL 2 1:1

Naonda in ki Saul minatoi mako, ki Daud in nobui nongkon pinoparangan nonaḷow kon intau in Amalek, bo nogutun in sia kon Ziklag doyowa nosinggai.

SAMUEL 2 1:12

Mosia in nogamui bo nonogumatoi poḷat nopuasa nodapot in doḷom sin kinopatoian i Saul bo i Yonatan, bo takin doman in bayongan in intau in Israel, umat i Tuhan, sin nobayongdon totok in minatoi kon pinoparangan tatua.

TAWARIKH 1 10:6

Dá minatoidon in ki Saul takin ki adínea ḷoḷaki taya toḷu, dá nopaḷut domandon in pinomarentaannea.

HAKIM MITA 9:54

Ḷagidon in ki Abimelek nogoiní kon tayow mobiag inta nomotaan kon sinapangnea bo noguman, “Rabutdon in pitowmu bo ḻimodon in akuoi; doíbí in akuoi tangoion in intau akuoi iḻimod in bobay.” Dá tayow mobiag tatua nonumbukdon kon inia nodapot in minatoi.

SAMUEL 1 11:15

Bo minayádon in mosia komintan kon Gilgal, bo kon tampat pooibadaan tatua ki Saul binaḻídon datu. Mosia in noposumba in kuruban dodamean, bo ki Saul takin bayongan bangusa Israel in noramedon kon onu inta nobaḻí tatua.

SAMUEL 1 12:17

Akuoi in mokuani kon i Tuhan, bo umpaka tanaa sempo in poninggai, ki Tuhan in mopoangoibí in gotup bo uyan saḷaku tubag kon sambayangku. Bain tua bo kotaauandon monimu kon totuubí moḷoben in dosamu kon i Tuhan sin noigum kon datu tobatú.”

SAMUEL 1 12:25

Táe aka moiko umuran doman momia kon dosa, dá moiko bo datumu in moyopúbí.”

SAMUEL 1 26:10

Podoyon kon i Tuhan inta nobiag, kinotaauankubí kon bain ki Tuhan tontaní in moḻimod kon i Saul, aka modapotdon in wakutunea matoi, andeka aka sia matoi kon poparangan.

SAMUEL 1 28:19

Iko bo intau mita in Israel in ogoi-Neadon kon intau in Pilistin. Ikoḷom iko bo adímu mita ḷoḷaki in moyosipundon takinku; modapot in bayongan tontara in Israel in ogoi doman i Tuhan kon intau in Pilistin.”

SAMUEL 1 31:5

Naonda in tayow mobiag tatua nokoontong kon ki Saul ain minatoi, inumumpag domandon in sia kon mata in kedangnea bo minatoi kon diug i Saul.

SAMUEL 1 31:7

Naonda in intau mita in Israel inta nogutun kon ḻimakomai in Ḷopá in Yizreel bo kon dotá in pomukaan kon Ongkag in Yordan nokodongog kon tontara in Israel ain noḷagui, bo ki Saul takin i adínea mita ḷoḷaki ain minatoi, noḷaguidon in mosia nonaḷámai kon kotá mita monia. Bo kinawasadon in intau in Pilistin in kotá mita tatua.