SAMUEL 1 31:4 - Alkitab Singog In Mongondow Masa In Tanaa

⁴ Bo nogumandon in ki Saul kon tayow mobiag inta nodia kon pakakat in parangnea, “Rabutdon in kedangmu bo tumbukdon in akuoi, sinbá akuoi diá pogogitog muna bodongka ḻimodon in intau mita inta diá nonotaau kon i Tuhan tatua.” Táe tayow mobiag tatua in doíbí monumbuk kon inia, sin totok in sia mohoromat kon i Saul. Manangka intua ki Saul in norabutdon kon kedangnea tontaní bo inumumpag kon mata in kedang tatua.

SAMUEL 1 31:4 ပူးပေါင်းရင်းမြစ်များ

SAMUEL 2 1:1

Naonda in ki Saul minatoi mako, ki Daud in nobui nongkon pinoparangan nonaḷow kon intau in Amalek, bo nogutun in sia kon Ziklag doyowa nosinggai.

SAMUEL 2 1:14

Guman i Daud, “Mokobaḻíbí totok in iko in moḻimod kon datu inta piniḻí i Tuhan!”

SAMUEL 2 1:20

Poigumon mako in intau mita in Gat diá nokodongog kon habar tatua. Poigumon mako in lorong mita in Askelon diá nokodongog kon habar soaḷ tatua. Dika modapot in bobay mita in Pilistin morogiowdon dika modapot in bobay kaper momaḷú moyotakin.

SAMUEL 2 1:6

Tubagnea, “Noikoḷatbí totok kon akuoi in kon Buḷud in Gilboa, bo nokoontong kon ki Saul in inumandoḷ kon pandongnea, bokaka kereta mita bo tontara in musung inta sinumakoi kon kabaḷo in dinimiugdon sin mongopung kon inia.

SAMUEL 2 17:23

Naonda in kinotaauan i Ahitopel kon tongginanea in diá dinuduian, sia nopopakédon in ḷoḻitúan kon keledainea bo nobui kon kotánea tontaní. Naonda in noginḷapat mako kon bayongan in oaidannea ginumantongdon in sia, bo iḷobong kon bonu in poḷoḷobongan kon inanakannea.

SAMUEL 2 21:12

minayá in sia nogamá kon tuḷan mita i Saul bo i Yonatan nongkon intau mita inta nogutun kon kotá in Yabesh kon Gilead. (Intau mita tatua ain nonakow kon tuḷan mita tatua nongkon tanah lapang in kotá in Bet-San, tampat in intau in Pilistin nobambé kon mayat mita tatua naonda in nonaḷow kon i Saul kon Buḷud in Gilboa.)

DATU MITA IMITÁNEA 16:18

Kon tungkuḷ in inontong i Zimri kon kotá tatua inagowdon, sinumuot in komaḻig tatua in sia bo sinumurub takin in komaḻig tatua in sia, dá minatoi in sia.

DATU MITA IMITÁNEA 16:27

Ouman ibanea inta nongonguman kon i Datu Omri, bo bayongan inta pinomianea in pinaisdon kon bonu in buk Ouman in Datu mita in Israel.

TAWARIKH 1 10:4

Dá ki Saul in noguman kon tayow mobiag inta nodia kon pakakat in parangnea, “Rabutdon in kedangmu bo tumbukdon in akuoi sinbá diá in akuoi yagi-yagionmai in intau i Pilistin inta diá nonotaau kon i Tuhan tua.” Táe tayow mobiag tatua doíbí monumbuk kon i Saul sin sia in moondokbí totok. Tuamai in ki Saul nogamá kon kedangnea tontaní bo inumumpag kon kedangnea tatua.

HAKIM MITA 14:3

Táe guranganea noguman, “Nongonu sin mustibí mayá motayak kon buḷoi intau in Pilistin, bokaka mosia tua in deemanbí umat i Tuhan! Eta degá diádon in kon inanakan naton tontaní ande kon sigad in bayongan in bangusa naton diádon in mongodeaga inta moitugat kon ginamu?” Tubag i Simson kon i amánea, “Tongá mongodeagabí in Pilistin tatua in koibogku. Bo haraponku mako tua ki amá moibog mayá moguman kon inia kon pobuḷoionku.”

HAKIM MITA 9:54

Ḷagidon in ki Abimelek nogoiní kon tayow mobiag inta nomotaan kon sinapangnea bo noguman, “Rabutdon in pitowmu bo ḻimodon in akuoi; doíbí in akuoi tangoion in intau akuoi iḻimod in bobay.” Dá tayow mobiag tatua nonumbukdon kon inia nodapot in minatoi.

SAMUEL 1 14:6

Dá nogumandon in ki Yonatan kon tayowmobiag tatua, “Igai mayá in kita kon poḷoḷukadan in intau in Pilistin inta kaper tatua. Dika-dika ki Tuhan moibogpabí motuḷung kon inaton. Sin ki Tuhan in motaaubí mobogoi in kauntungan pinomayá momaké in intau mobayong andeka intau moyakag.”

SAMUEL 1 17:26

Bo ki Daud in noguman, “Mobaranibí totok in intau in Pilistin kaper tatua monontot kon tontara i Allah inta nobiag!” Onda intua noḻibó in sia kon tontara tobatú, “Onu in ogoi kon intau inta mokoḻimod kon intau in Pilistin tatua bo momopat kon tosingogon mopoonagmai kon Israel?”

SAMUEL 1 17:36

Bobantungmu naa in ain noḻimod kon singa andeka beruang, bo intau in Pilistin kaper tatua in potongkaionku domandon ná mahaḷuk mita tatua, sin sia in mokobaḻídon mopoonagmai kon tontara mita inta nongkon i Allah inta nobiag.

SAMUEL 1 26:10

Podoyon kon i Tuhan inta nobiag, kinotaauankubí kon bain ki Tuhan tontaní in moḻimod kon i Saul, aka modapotdon in wakutunea matoi, andeka aka sia matoi kon poparangan.

SAMUEL 1 31:5

Naonda in tayow mobiag tatua nokoontong kon ki Saul ain minatoi, inumumpag domandon in sia kon mata in kedangnea bo minatoi kon diug i Saul.