SAMUEL 1 30:6 - Alkitab Singog In Mongondow Masa In Tanaa

⁶ Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.

SAMUEL 1 30:6 ပူးပေါင်းရင်းမြစ်များ

KINOBAḺIAN 32:7

Nokodongogmai kon tua ki Yakub totokdon inagían in ondok bo ḻia-ḻiaw in gina. Bo intau mita inta noyotakinnea in sinilaineadon doyowa nokolompok, ná tua doman in dombanea, bembénea sapi bo untanea.

SAMUEL 2 17:8

Kinotaauan bidon i Tuang kon ki Daud bo intaunea mita tatua in intaubí mita inta mongotorindog bo mongobarani. Mosia tua in naonda bo kobarani in beruang kobaayan inta kinobuḻian i adínea. Apa doman ki Daud tua in tontara inta kopongalaman inta diábí dodai in onda in mosiug moyotakin in intaunea mita.

DATU MITA 2 4:27

Táe naonda in noiyaput kon tayowon i Elisa, sinumungkud in sia bo ginumakap kon sioḷ i Elisa. Táe dinimiugdon in ki Gehazi sin mopotabá kon inia mayá nongkon tua, táe noguman in ki Elisa, “Biódon mako! Koontongan kon morobonoḷ totok in dodobnea. Táe diábí in pinotaau i Tuhan kon inakó!”

AYUB 13:15

Nopoḷok bidon in raianku sin diádon in kamang! Aka ki Allah in moḻimod kon inakó, diábí nongonu, tongá belaankupa in oaidku kon tayowon-Nea.

MAZMUR 116:10

Akuoi in umuranbí mopirisaya, umpaka in akuoi moguman, “Akuoi in totokdon in ná doroton.”

MAZMUR 138:3

Kon tungkuḷ in akuoi nokuani kon ini-Mu, Iko in notubag, inirigonan-Mu in ginaku dá nobaranidon in akuoi.

MAZMUR 18:2

Akuoi in motabi kon ini-Mu, o Tuhan, Ikobí in nobaḻí ropotku.

MAZMUR 18:6

Akuoi in iḻibudon in bodito mokopatoi, poyogaḷap in popatoi kon tayowonkumai.

MAZMUR 25:17

Roriga in ginaku kodugang-kodugangdon poḷuatdon in akuoi nongkon rorigaku,

MAZMUR 27:14

Pongamangdon kon i Tuhan, iropotai bo irotonai in ginamu; oo, pongamangdon kon i Tuhan!

MAZMUR 31:24

Kotabibí in ki Tuhan, ei bayongan in umat-Nea, Ki Tuhan in moḷukadbí kon intau inta mosatia. Táe intau moḷoḷatú in hukumon-Nea takin diá in ukuran.

MAZMUR 42:11

Morimumudon totok in ginaku popisí in rebeg in musung. Mosia in tantúbí moḻibó, “Kon onda in ki Allahmu?”

MAZMUR 42:5

Moajar in ginaku aka mokotorop kon singgai tungkuḷ intua, kon tungkuḷ in akuoi mayá in Baḷoi Tuhan moyotakin in intau mobayong sin momia kon bobutungan. Akuoi in kon muna in intau mobayong tatua sindaḷan mopodondong in dondong dodayow.

MAZMUR 42:7

Kon butá pinoḷumbúan tanaa mororiga totok in ginaku, tuamai in kinotoropanku in ki Tuhan. Dimukudku in dinia in robonoḷ in gina, akuoi in inuntag in ḷunud kotombaukan; naonda bo tubig kon popoḷabúan in Ongkag in Yordan nongkon Buḷud in Hermon bo Buḷud in Mizar.

MAZMUR 56:11

Akuoi in modayow kon i Tuhan Allah, popisí in onu inta pinodandi-Nea.

MAZMUR 62:1

Kon i itoi in mododondong. Podudui in: Yedutun. Mazmur i Daud.

MAZMUR 62:5

Moiko in tongábí niat mopoḷabú kon inia nongkon ḷoḻitúannea inta moḷantud. Moiko in moibog monguboḷ; bibigmu pakéon monimu momarakat, táe kon bonu in gina monimu in mongutukbí.

MAZMUR 71:4

O Allah, pomiḷaguidon in akuoi nongkon intau moraat, nongkon kawasa in intau mita moromú bo moḻingá.

MAZMUR 71:5

Sin Ikobí in pongamanganku, o Tuhan, Tuhan, akuoi in mopirisaya kon ini-Mu pinangkoi kon noguodpa in akuoi.

IḶUAIAN 17:4

Dá nokuanidon ki Musa kon i Tuhan, kainia, “Onu degá in aidanku kon intau mita tanaa? Indoiaika, mosia monintangoidon mogarab in batu kon inakó.”

AMSAL 18:10

Ki Tuhan tua in notongkaibí in ḷangkeang inta moropot; kon tua in bayáan in intau motuḻid bo mokouḻí kon tampat inta moaman.

YESAYA 25:4

Sin iko in mobaḻí poḷoḷaguian in intau mita inta moyangkó, nobaḻí tampat inta moaman kon intau inta bogá kon dodai in mororiga. Ikobí in pogogadopan aka oyúon in deḷang, pononiungan aka mopatú totok. Sin intau moromú monubu naonda bo deḷang kon sempo in uagat,

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YUNUS 2:2

“O Tuhan, Kon bonu in rorigaku akuoi in mokuani kon ini-Mu bo Iko in motubag kon inakó. Nongkon dunia in intau minatoi akuoi mopoigum in totuḷung, oigumku in inindongogan-Mu bo inindoian-Mu.

PINOGIAPAN 14:10

Bayongan umat nonontot kon mogarab in batu kon i monia dapot in matoi. Táe daḻídon intau mita tatua nokoontong kon sindar i Tuhan nomuká kon ḻimonik in Ḷoḷaigan-Nea.

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

MATIUS 27:22

Dá guman i Pilatus kon i monia, “Aka natua, yo onuonku in ki Yesus inta sinangoi ki Kristus?” Mosia in nomaḷú komintan, “Sia musti popopakú kon kayu pinoyotaḻempang!”

YOHANES 8:59

Bo intau mita in Yahudi tatua in nogamá kon batu sin pogandur kon i-Nia; táe ki Yesus inumadop, bodongka nonaḷámai kon Baḷoi Tuhan.

SURAT I PAULUS KON JAMAAT RUM 4:18

Ki Abraham in umuran mako moharap bo mopirisaya umpakabí diádon in harapan. Tuamai sia in nobaḻí ki amá in bayongan intau inta mopirisaya, ná inta pinais kon bonu in Buk Motusi, “Buímu in mobaḻídon mobayong totok.”

SURAT I PAULUS KON JAMAAT RUM 4:20

Sia in umuran mopirisaya bo diábí in ḻia-ḻiaw mako in ginanea kon onu inta pinodandi i Allah tatua. Pirisayanea in mokodugang kon ropotnea, sahingga umuran in sia modayow kon i Allah.

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

KORINTUS 2 1:6

Tuamai aka kami bo mokorasa kon yoyiga, yo tua in mangaḻenea moginyopotbí kon gina monimu, sinbá mosaḷamat in moiko. Aka gina nami bo moropot, yo moiko in moropotbí doman, dá mokotahang domandon in moiko wakutu in koantugan in bayongan yoyiga ná inta kinorasaan nami.

KORINTUS 2 4:8

Kami totok in irupa-rupamai monia, táe naapabí doman mako in kami. Kinodaitanbí doman akaḷ in kami, táe harapan nami in tantúbí oyúon.

KORINTUS 2 7:5

Wakutu in kami in noidapotdon kon Makedonia, diádon in kami nokopogogai. Kami in tantú nokouḻí kon kasulitan: sin tantú oyúon in ropatoi, sahingga in gina nami tantú moondok.

IBRANI 13:6

Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”

HAKIM MITA 18:25

Intau mita in suku Dan tatua noguman, “Maníka kibio-biómai; dika modapot in intau mita tanaa tumorú bo monubu kon inimu, bo iko takin bayongan in ginaḷummu mita matoi.”

HAKIM MITA 20:22

Popisí in kinotaḷowan tatua, dá minayádon in umat Israel kon tampat pooibadaan bo nongombaḷ kon i Tuhan kon tua nodapot in doḷom. Mosia noḻibó, “Tuhan, degá buipa mayá in kami monubu kon i utat mita nami intau mita in Benyamin tatua?” Ki Tuhan in notubag, “Oo, bayádon.” Tuamai in tontara mita in Israel buidon noropot in gina, dá mosia in buidon noposadia in tontara monia ná kon singgai dungkuḷ.

SAMUEL 1 23:16

Ki Yonatan in minayá nokipodungkuḷ kon inia kon tua sin mogin rigon kon pirisayanea kon sia in ḷukadanbí i Allah.

SAMUEL 1 28:15

Onda intua noguman in ki Samuel kon i Saul, “Nongonu sin tuyayowonmubí in akuoi? Nongonu sin oiníonmubí bui in akuoi?” Tubag i Saul, “Mogagawangdon totokdon in akuoi sin tubuon in intau in Pilistin, bo ki Allah in nonaḷámaidon kon inakó. Diádon in akuoi sinubagan-Nea, pinomayá pinongin nabi mita, andeka pinongin togoindop. Tuamai in poigumonku kon i Amá, sinbá potaauondon i Amá onu in musti aidanku.”