SAMUEL 1 30:27 - Alkitab Singog In Mongondow Masa In Tanaa

^27-31 Kotá mita tatua in Betel bo Rama kon dotá in toḷatan Yohuda, Yatir, Aroër, Sipmot, Estemoa, Rakhal, bo kotá doman mita in intau in Yerahmeel, kotá mita in intau in Keni, Horma, Bor-Asan, Atakh bo Hebron. Bayongan in kotá inta ain kinobayáan i Daud bo intaunea, in pinoki diaannea in tombuinag tatua.

SAMUEL 1 30:27 ပူးပေါင်းရင်းမြစ်များ

KINOBAḺIAN 12:8

Nopaḷut mako kon tua sia nongingguputdon kon bobayáannea nopobayá in toḷatan, kon butá inta notombu-tombuḷud kon dotá in pomukaan kon kotá in Betel, bo nogaid kon ḷoḷaigan kon sigad in Betel bo kotá in Ai: Betel kon dotá in toyopan bo Ai kon dotá in pomukaan. Kon tua sia in noposindog doman in mezbah tobatú bo nosumba kon i Tuhan.

KINOBAḺIAN 28:19

Tampat tatua sinangoiannea Betel. (Koḻipod tangoinea Lus.)

DATU MITA IMITÁNEA 12:29

Bo ki Yerobeam in nopoukat in sapi buḷawan tobatú tatua kon Betel bo ibanea in kon Dan.

YOSUA 15:48

Kon butá kon buḷud in mopuḷú bomitá in kotá bo ḻipú mita kon diugneamai: Samir, Yatir, Sokho, Dana, Kiryat-Sana (inta Debir), Anab, Estemoa, Anim, Gosyen, Holon bo Gilo.

YOSUA 16:1

Botok mita in sigad in butá inta inogoi kon buí i Yusup, in pinangkoi kon Ongkag in Yordan kon diug in Yerikho, dotá in pomukaan kon bokaká mita in tubig in Yerikho nodapot kon padang gurun. Nongkon Yerikho, botok tatua in notakod nodapot kon Betel kon butá kon buḷud.

YOSUA 16:2

Nongkon Betel, botok tatua in pinomoḷat ná Lus, pinongin Atarot, inta tampat pinogutunan in intau in Arki.

YOSUA 19:8

Noituot doman in bayongan ḻipú kon ḻibumai in kotá mita tatua nodapot kon Baalat-Beer (tuata in Rama) kon butá kon dotá in toḷatan. Tuata in butá inta inogoi kon motoḷuadí mita nongkon suku i Simeon sin mobaḻí kapunyaan monia.

YOSUA 7:2

Kon dodai intua ki Yosua nopotabá in tongonumai in intau nongkon Yerikho minayá in Ai, kotá tobatú kon dotá in pomukaan kon Betel, kon diug in Bet-Awen. Intau mita tatua pinotabá pinoki taridian in butá tatua. Naonda in mosia nobui nongkon oaidan tatua,

YOSUA 8:9

Onda intua ki Yosua nopotabádon kon i monia, bo mosia minayá nogadop kon dotá in toyopan kotá in Ai kon sigad in Ai bo Betel, bo nogoḷat kon tua. Táe ki Yosua in nosiugpa kon pinononḷoḷaigan in umat Israel.