SAMUEL 1 30:22 - Alkitab Singog In Mongondow Masa In Tanaa

²² Táe kon sigad in intau mita i Daud inta noyotakinnea, oyúon in moraat bo motamaa. Mosia in noguman, “Intau mita tanaa in diá dinumudui; dá mosia in diábí motaau in silaian in barang mita inta inagow tatua. Mosia in tongábí motaau mogamá kon i buḷoi bo adí monia, bo mayá.”

SAMUEL 1 30:22 ပူးပေါင်းရင်းမြစ်များ

DATU MITA IMITÁNEA 21:10

Potabádon in intau moraat doyowa ḻimitú tumayow kon inia bo ponapud kon sia in nogodi-godimaidon kon i Allah bo kon i datu. Bodongka diá in sia poḷuai in kotá, bo andur in batu dapot in matoi!”

DATU MITA IMITÁNEA 21:13

Intau moraat doyowa iḻimitú noyogintayow i Nabot, bo kon tayowon in intau mobayong noponapud in mosia in tosingogon kon sia in nogodi-godimaidon kon i Allah bo kon i datu. Tuamai in sia dinia pinoḷuai in kotá bo inarab in batu nodapot in minatoi.

MATIUS 7:12

Onu inta koibog monimu popoaid in intau kon i monimu yo popoaid domandon kon i monia intua. Tuadon bonu in bayongan atorang i Musa bo inta pinais kon buk in nabi mita.

ULANGAN 13:13

kon tongonumai intau moraat nongkon bangusamu aindon nopoḷaḻe kon intau inta nogutun kon kotá sin mosumba kon ilah mita inta diá kinotaauan monimu.

HAKIM MITA 19:22

Koyogot in mosia mobarasanang, daḻíbí in baḷoi tatua iḻipung in intau mita moraat kon kotá tatua. Sinuḷud monia in ḷoḻingkop bo noguman kon guranga tatua, “Ogoidon kon inami in ḷoḷaki inta diniamu kon baḷoimu. Aidanmaidon nami in sia!”

SAMUEL 1 22:2

Ná doman tua in intau mita inta nobiag iroriga, inta koboḻi, bo intau mita inta monakit in gina, komintan dinumugang kon i Daud, bo ki Daud in nobaḻí itoi monia. Kobayong in dumodudui i Daud in degá opatmai nogatut in intau.

SAMUEL 1 25:17

Manangka intua, raidon kopia in soaḷ tanaa, bo tantúdon onu inta motaau pomiaan i Iná. Sin notantú bidon kon moiangoibí in tontuḻí kon i tuang naton bo kon bayongan in motoḷuadínea. Ki Tuang naton in totuu motontogat in gina modapot in sia diá motaau anutan mongonguman!”

SAMUEL 1 25:25

Dikadon raionmai i Tuangku in ki Nabal, intau inta diá in baragunanea tatua! Sia tua in intau inta nobodok – notongkai ná tangoinea. Bobantung naa in diábí nokoontong kon totabá mita inta pinotabá i Tuangku tua.

SAMUEL 1 30:21

Nopaḷut mako kon tua buidon in ki Daud minayá kon intaunea inta doyowa nogatut inta diádon notaau sinumakin sin noḷopídon totok, bo inta sinaḷáanneadon kon bingkí in Ongkag in Besor. Nonontomu in mosia kon i Daud bo intaunea, bo dinimiug in ki Daud poḷat nodati kon i monia.

SAMUEL 1 30:23

Táe ki Daud in notubag, “Utatku mita, dikabí pomiaan monimu natua in onu inta ain inogoi i Tuhan kon inaton! Diábí degá kinotaauan monimu kon kita in iḷukadan-Nea bo pinopountung-Neadon nongkon banselang mogogagow tatua?