SAMUEL 1 30:20 - Alkitab Singog In Mongondow Masa In Tanaa

²⁰ Koḻikud intua ki Daud nogagow doman kon bayongan in domba bo bobiagon. Biag mita tatua dinia in intau i Daud kon muna, noitondí kon bayongan in barang inta inagow ibanea, bo noguman in mosia, “Naa in tonsilai kon i Daud!”

SAMUEL 1 30:20 ပူးပေါင်းရင်းမြစ်များ

TAWARIKH 2 14:15

Mosia in nonubu doman kon pinononḷoḷaigan in intau mita inta nonombobiagon, bo nogamá kon nobayong in domba bo unta. Nopaḷut mako kon tua nobui in mosia kon Yerusalem.

TAWARIKH 2 20:25

Dá ki Yosapat takin intaunea mita minayá nogagow kon pakakat mita in musung. Nokouḻí in mosia kon bobiagon mobayong, bo touḷut mita, ḷambung, bo pakakat mita inta koboḻi ibanea. Nopaḷut mako nosipun kon pakakat mita tatua toḷu nosinggai in koonggotnea, nobayongpa doman in pakakat mita ibanea, dá pakisadon sinaḷáanmai.

YESAYA 53:12

Nobayagbí in ginanea in nobogoi in kobiagannea bo pinoyoiap intau moraat. Sia in nomotaan kon dosa in intau mobayong bo nosambayang sinbá mosia in ampungan. Dá inogoian-Ku in sia in intau mobayong nobaḻí tombuinag, bo sia in nokouḻí kon tonsilai noyotakin in intau mita mobanar.”

SURAT I PAULUS KON JAMAAT RUM 8:37

Táe! Kon bayongan tua mokouḻí in kita kon kauntungan inta mosompurna nongkon i-Nia inta motabi kon i naton!

SAMUEL 1 30:21

Nopaḷut mako kon tua buidon in ki Daud minayá kon intaunea inta doyowa nogatut inta diádon notaau sinumakin sin noḷopídon totok, bo inta sinaḷáanneadon kon bingkí in Ongkag in Besor. Nonontomu in mosia kon i Daud bo intaunea, bo dinimiug in ki Daud poḷat nodati kon i monia.

SAMUEL 1 30:26

Naonda in ki Daud nobui kon Ziklag, nokidia in sia in tongo tonsilai nongkon barang mita inta inagow tatua kon itoi mita in kotá in Yohuda inta ain notuḷung kon inia, gumannea, “Naadon in tombuinag kon inimu nongkon barang inta inagow inta ginamá nami nongkon musung i Tuhan.”