SAMUEL 1 30:16 - Alkitab Singog In Mongondow Masa In Tanaa

¹⁶ Bo inatodnea in mosia kon tampat in banselang mita tatua. Kon dodai intua banselang mita tatua noyotontaní kon bayongan in tampat tatua, yogot in nongaan, nonginum bo norame totok sin nobayong totok in barang inagow inta ain dinia monia nongkon butá in Pilistin bo Yohuda.

SAMUEL 1 30:16 ပူးပေါင်းရင်းမြစ်များ

SAMUEL 2 13:28

Nomarenta in sia kon bobantungnea mita, “tarukira kopia, aka ki Amnon ain noḷoḷangu popisí in nonginum kon anggur, akuoi in mobogoidon in topotundú, bo ḻimodon in sia. Dika moondok. Akuoi in mobaba kon bayongan tua. Pokobaranibí in mogaid kon tua bo dika moondo-ondok!”

TAWARIKH 1 4:43

Mosia in noḻimod kon ki agat in intau mita in Amalek, bo nogutun notantú kon tua pinangkoi kon dodai intua.

AYUB 20:5

ḷunganga in intau moraat tongábí motoyong, bo kasanangan in intau moraat tongá tokokiap?

MAZMUR 119:162

Dandi-Mu in nokosanang kon ginaku, naonda bo intau inta nokouḻí kon kapunyaan.

IḶUAIAN 32:6

Nopoikoḷomai kon singgai doḷo-doḷompa totok, intau mita Israel nodia kon tongonumai in biag sin baḻíon kuruban inta tubáan, bo tongonumai doman in biag inta mobaḻí kuruban dodamean. Mosia iḻimitú nongaan bo nonginum, bo sinimindog noposanang in gina.

YESAYA 22:13

Táe noyoḻiudon kon tua, moiko in nobarasanang bo norame. Moiko in noratá kon sapi bo domba, nokaan kon ponoyá bo nonginum kon tubig in anggur sindaḷan nomaḷú, “Koḻigai in kita mongaan bo monginum, sin ikoḷom matoi in kita!”

YESAYA 9:3

Iko ain nogamá kon binabanea inta nobogat bo kayu pomomotaanan nongkon obaganea. Iko in nonaḷow kon bangusa monondorot tatua inta nopogutú kon umat-Mu. Notongkai ná dungkuḷmai kon tungkuḷ in Iko nonaḷow kon tontara in Midian.

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

HAKIM MITA 8:11

Ki Gideon minayá nongin posigadan in padang gurun kon dotá in pomukaan Nobah bo Yogbeha bo dongka daḻí nonubu kon musung.

SAMUEL 1 30:14

Kami ain nonubu kon butá in intau in Kreti kon dotá in toḷatan in Yohuda bo butá in inanakan i Kaleb, bo kami ain nonurub kon bayongan kotá in Ziklag.”

SAMUEL 1 30:15

Bo ki Daud in noḻibó kon inia, “Moibog degá in iko mogatod kon inakó mayá in tampat in banselang tatua?” Tubagnea, “Moibog in akuoi, asaḷ bo ki Tuang in modandi kon inakó podoyon kon tangoi i Allah, kon akuoi in diábí ḻimodon i Tuang andeka ogoi i Tuang kon i tuangku.”