SAMUEL 1 30:14 - Alkitab Singog In Mongondow Masa In Tanaa

¹⁴ Kami ain nonubu kon butá in intau in Kreti kon dotá in toḷatan in Yohuda bo butá in inanakan i Kaleb, bo kami ain nonurub kon bayongan kotá in Ziklag.”

SAMUEL 1 30:14 ပူးပေါင်းရင်းမြစ်များ

SAMUEL 2 8:18

Tongguḷu in moḷoḷukad tontaní i datu: ki Benaya adí i Yoyada; Imang mita kon komaḻig: ki adí mita ḷoḷaki i Daud.

DATU MITA IMITÁNEA 1:38

Dá ki Zadok, ki Natan, ki Benaya bo moḷoḷukad i datu nogumandon kon i Salomo kon tumakoidon kon bagal i datu, bo dinia monia minayá in bokaká in tubig in Gihon.

DATU MITA IMITÁNEA 1:44

Ki Zadok, ki Natan, Benaya bo moḷukad i datu aindon pinotabá nonakin kon i Salomo. Mosia ain nopotakoi kon inia kon bagal i datu,

YEHEZKIEL 25:16

Tuamai in potaau-Ku kon Akuoi in monububí kon intau mita in Pilistin bo moyopú kon i monia. Batúan in intau inta kiagatnea kon butá in Pilistin in ḻimodon-Kubí.

ZEPANYA 2:5

Kinutukdon in moiko, ei intau in Pilistin, bangusa inta nogutun kon kinoouput in pintad. Ki Tuhan in nonantúdon kon hukuman kon inimu. Sia in moyopúbí kon i monimu, diábí tobatúmai in nongkon sigad monimu in kotaḻiban.

YOSUA 14:13

Dá ki Yosua in nomarakat kon i Kaleb adí i Yepune, bo nobogoi kon inia in kotá in Hebron nobaḻí butá kapunyaannea.

YOSUA 15:13

Podudui in parenta i Tuhan kon i Yosua, tongosilai in butá i Yohuda ogoi kon i Kaleb adí i Yepune nongkon suku in Yohuda. Inogoi kon inia in Hebron, kotá inta kapunyaan i Arba, ki amá i Enak.

SAMUEL 1 30:1

Doyowa nosinggai noiduduimai, ki Daud bo intaunea nobui kon kotá in Ziklag. Naonda in noiyaputmai kon tua, kinotambakanmai monia kon intau in Amalek ain nonubu kon dotá i toḷatan butá in Yohuda bo nonubu kon Ziklag. Mosia in diábí noḻimod kon tobatúmai in intau. Táe sinurub monia komintan in kotá tatua bo nongingguput kon bobayáan monia takin nodia kon bobay mita, adí mita bo intau mita ibanea inta nogutun kon tua. Mosia in nodomok domandon kon motoḷuadí i Daud bo motoḷuadí in intaunea mita, noitakin doman in ki buḷoi Daud taya dua, ki Ahinoam bo ki Abigail. Noajar totok in gina i Daud takin gina in intaunea mita, dá mosia in nongombaḷdon diá nodona-doná nodapot in noḻemédon in mosia.

SAMUEL 1 30:13

Onda intua ki Daud noḻibó kon inia, “Ki ine in ki Tuangmu, bo nongkon onda in iko?” Tubag in adí tatua, “Akuoi intau in Mesir, ata in intau in Amalek. Akuoi in sinaḷáan i tuangku toḷudon nosinggai naa popisí in notakit in akuoi.

SAMUEL 1 30:15

Bo ki Daud in noḻibó kon inia, “Moibog degá in iko mogatod kon inakó mayá in tampat in banselang tatua?” Tubagnea, “Moibog in akuoi, asaḷ bo ki Tuang in modandi kon inakó podoyon kon tangoi i Allah, kon akuoi in diábí ḻimodon i Tuang andeka ogoi i Tuang kon i tuangku.”

SAMUEL 1 30:16

Bo inatodnea in mosia kon tampat in banselang mita tatua. Kon dodai intua banselang mita tatua noyotontaní kon bayongan in tampat tatua, yogot in nongaan, nonginum bo norame totok sin nobayong totok in barang inagow inta ain dinia monia nongkon butá in Pilistin bo Yohuda.