SAMUEL 1 30:12 - Alkitab Singog In Mongondow Masa In Tanaa

¹² bo kukis bungai in ara, bo doyowa nobogot in anggur noingkag. Naonda in nopaḷut mako in sia nongaan, noguḻídon bui in ropotnea; noniata magí yo ain toḷu nosinggai in sia in diá nopongaa-ngaan bo diá noponginu-nginum!

SAMUEL 1 30:12 ပူးပေါင်းရင်းမြစ်များ

ESTER 4:16

“Sipundon in bayongan intau in Yahudi inta kon Susan bo sambayangai in akuoi. Dika mongaan bo monginum in toḷu nosinggai bo toḷu nogobii in koonggotnea. Akuoi tontaní bo mongodeaga mita inta nobantung kon inakó in mopuasabí doman. Mopaḷut mako kon tua akuoi in mayá kon tayowon i datu, umpakabí ḻimimpat tua kon undang-undang. Aka akuoi bo musti matoi popisí intua, dá biódon mako in akuoi matoi!”

OMBAḶ 1:11

Takin ombaḷ intaunea mita notayak kon pakéon kobiagan; pakakat mita inta koboḻi pinonoḻiu monia kon roti, tongá popisí in bá umuranpa in mosia mobiag bo diápa matoi. Yerusalem in nokuani, “O Tuhan, indoiaipa kaasí in akuoi, indoiaipa kaasí in bayongan in rorigaku.”

YUNUS 1:17

Bo kon dodai intua ki Tuhan nopoangoi in toyá moḷoben tobatú inta noḻiom kon i Yunus. Dá ki Yunus in kon bonudon in sian in toyá tatua toḷu nosinggai bo toḷu nogobii in koonggotnea.

MATIUS 27:63

bo noguman, “Tuang, kinotoropan nami, Intau mouboḷ tatua kon wakutu in nobiagpa, perna noguman, ‘Naonda in toḷu nosinggai mobiag in Akuoi bui.’

HAKIM MITA 15:19

Dá ki Allah nomukat kon bubú kon buḷud batu kon Lehi tatua, bo iḷumuaidon in tubig nongkon tua. Ki Simson in nonginum, bo norotondon bui in awaknea. Tuamai bokaká tatua sinangoian Bokaká in Tubig in Hakor. Bokaká in tubig tanaa oyúonpabí in kon Lehi.

SAMUEL 1 14:27

Táe ki Yonatan in diábí nonotaau kon ki amánea ain nonontot kon rayat takin kutuk tatua; tuamai in tungkudnea pinotundúneadon, bo pinopoturaknea kon pugad in biluk tatua, bodongka ginamánea in biluk tatua bo poḷat kinaan. Dá baḷúdon kinorasaannea kon mosehat bo nodugangdon noropot.

SAMUEL 1 30:11

Kon binayáan tatua intau i Daud in noyodungkuḷ in ḷoḷaki tobatú intau in Mesir kon dogami, bo dinia in sia kon i Daud. Inogoian in sia in kaanon bo inumon,

SAMUEL 1 30:13

Onda intua ki Daud noḻibó kon inia, “Ki ine in ki Tuangmu, bo nongkon onda in iko?” Tubag in adí tatua, “Akuoi intau in Mesir, ata in intau in Amalek. Akuoi in sinaḷáan i tuangku toḷudon nosinggai naa popisí in notakit in akuoi.