SAMUEL 1 30:1 - Alkitab Singog In Mongondow Masa In Tanaa

^1-5 Doyowa nosinggai noiduduimai, ki Daud bo intaunea nobui kon kotá in Ziklag. Naonda in noiyaputmai kon tua, kinotambakanmai monia kon intau in Amalek ain nonubu kon dotá i toḷatan butá in Yohuda bo nonubu kon Ziklag. Mosia in diábí noḻimod kon tobatúmai in intau. Táe sinurub monia komintan in kotá tatua bo nongingguput kon bobayáan monia takin nodia kon bobay mita, adí mita bo intau mita ibanea inta nogutun kon tua. Mosia in nodomok domandon kon motoḷuadí i Daud bo motoḷuadí in intaunea mita, noitakin doman in ki buḷoi Daud taya dua, ki Ahinoam bo ki Abigail. Noajar totok in gina i Daud takin gina in intaunea mita, dá mosia in nongombaḷdon diá nodona-doná nodapot in noḻemédon in mosia.

SAMUEL 1 30:1 ပူးပေါင်းရင်းမြစ်များ

KINOBAḺIAN 24:62

Kon dodai intua ki Ishak aindon namangoi nongkon padang gurun, nongin parigí inta sinangoi “Sia inta nonarukira kon inakó” bo nogutun kon dotá in toḷatan Kanaan.

SAMUEL 2 1:1

Naonda in ki Saul minatoi mako, ki Daud in nobui nongkon pinoparangan nonaḷow kon intau in Amalek, bo nogutun in sia kon Ziklag doyowa nosinggai.

SAMUEL 2 1:2

Kon singgai nogintoḷu, namangoidon in tayowmobiag tobatú nongkon pinononḷoḷaigan i Saul. Nobaḻí tomponuot kon pinonogumatoian sia in nomerakdon kon pakeangnea bo nopotoguḷudon in butá in sia. Minayá in sia kon i Daud bo sinumungkud kon tayowonnea.

SAMUEL 2 1:8

Bo iḻibónea mongo ki ine in akuoi, bo akuoi in noguman kon intau in Amalek in akuoi.

SAMUEL 2 15:18

Bayongan in pogawai i datu in sinimindog kon ḻimakonea kon dodai in tontara moḷoḷukad kon i datu nopipid sinumaḻib kon inia. Bo onom nogatut doman in tontara inta dinumudui kon inia nongkon Gat, nopipid kon tayowonnea.

TAWARIKH 1 12:21

Mosia tua in pojuang inta motorindog bo noduḷu kon i Daud nonayow kon banselang. Kon singgai noiduduimai mosia in nobaḻí porwira mita kon bonu in tontara mita in Israel.

TAWARIKH 1 12:22

Gogió bo muḷoi in singgai oyúon in intau mobagu inta dumugang kon i Daud, dá diádon noonggot kon tua bo tontara i Daud in nobaḻídon nobayong totok.

YEREMIA 41:12

Dá mosia takin intau monia minayá nomatuk kon inia, bo kinotambakan monia in sia kon tabang moḷoben Gibeon.

YOSUA 11:6

Ki Tuhan noguman kon i Yosua, “Dika moondok kon i monia. Ikoḷom kon oras ná tanaa, mosia tua in komintandon ḻimodon-Ku sin motuḷung kon Israel. Kabaḷo monia in musti pengkoḷanmu, bo kereta mita in parang monia in musti turubon mu.”

SAMUEL 1 15:7

Nopaḷut mako kon tua ki Saul noparang takin intau in Amalek, bo nonaḷow kon i monia kinoouputbí in daḷan nongkon Hawila nodapot kon Syur kon dotá in pomukaan kon Mesir.

SAMUEL 1 15:8

Bayongan in rayat bo tontara in intau in Amalek iḻimod i Saul. Táe ki Agag datu in intau in Amalek in dinomok bo pinomayá mako i Saul takin tontaranea nobiag, natua doman in bayongan domba bo sapi inta totok in mongopia, ki adí in sapi bo ki adí in domba inta totok in noḷongó, bo bayongan in onu inta koboḻi; tongábí bobiagon inta diá in mangaḻenea bo inta diá koboḻi tua in iḻimod.

SAMUEL 1 27:6

Bo inogoidon i Akhis kon i Daud in kotá in Ziklag, manangka intua Ziklag in nobaḻí kapunyaan in datu mita in Yohuda dapot in tanaa.

SAMUEL 1 29:10

Manangka intua Daud, ikoḷom in moiko komintan inta ain nonaḷámai kon i Saul bo namangoi kon inakó, musti mobangon doḷo-doḷom bo ḷagi mobuat naonda in momuká in mata in singgai.”

SAMUEL 1 29:11

Tuamai in nobangon monik doḷo-doḷom, nobuatdon in ki Daud takin intaunea mita nobui kon butá in Pilistin, bo tontara in Pilistin in nobuat minayá in Yizreel.

SAMUEL 1 29:4

Táe sinumorú in tongguḷu totokan mita in Pilistin tatua kon i Akhis poḷat noguman kon inia, “Potabádon in intau mita tatua kon kotá inta ain inogoimu kon inia. Diábí motaau in sia in moparang moyotakin naton; dika-dika bo momangkangdon in sia kon inaton naonda in koyogot moparang. Sin tanaa in kasampatannea inta totok in mopia modondouḷug kon i datunea pongin moḻimod kon intau mita naton?

SAMUEL 1 30:14

Kami ain nonubu kon butá in intau in Kreti kon dotá in toḷatan in Yohuda bo butá in inanakan i Kaleb, bo kami ain nonurub kon bayongan kotá in Ziklag.”