SAMUEL 1 3:17 - Alkitab Singog In Mongondow Masa In Tanaa

¹⁷ Ki Eli noḻibó, “Onu in pinotaau i Tuhan kon inimu? Oumandon komintan kon inakó. Aka oyúon in bunionmu, yo hukumon i Allah in iko.”

SAMUEL 1 3:17 ပူးပေါင်းရင်းမြစ်များ

SAMUEL 2 14:18

Ki Datu in notubag, “Oyúon in ḻibóonku kon inimu, tubagai takin gina motuḻid.” “Pogumandon mangoi Tuangku,” tubag in bobay tatua.

SAMUEL 2 19:13

Ki Daud in nopotabá doman kon i monia moguman kon i Amasa nanaa, “Iko nion in ginaḷumkubi! Pinangkoi kon tanaa mako iko in baḻíonkudon tongguḷu totok in tontaraku momaḷui kon i Yoab. Igumon mako ki Allah in moḻimod kon inakó aka diá aidanku intua!”

SAMUEL 2 3:35

Kinoouputbí in singgai intau mita moḷongasi modondouḷug kon i Daud sinbá mongaanpa umpaka tongá topiḻikmai, táe sia in nongibot, “Igumon mako ki Allah in moḻimod kon inakó, aka akuoi mongaan kon dodai in mata in singgai diápa tumoyop!”

SAMUEL 2 3:9

Maníka motuḷungdon in akuoi kon i Daud, apa doman ki Tuhan ain nodandi kon inia kon mogamábí kon dodatuan tanaa nongkon i Saul bo kon buínea mita, bo moduí kon i Daud mobaḻí datu kon bayongan in Israel bo Yohuda. Igumon mako ki Allah in moḻimod kon inakó, aka diá aidanku in dandi i Allah kon i Daud tua!”

DATU MITA IMITÁNEA 22:16

Ki Ahab in notubag, “Aka iko bo mosingog kon inakó podoyon kon tangoi i Tuhan, yo pogumandon onu inta totuu. Kotongonudon in iko inogoianku in tompoingat kon soaḷ tatua?”

DATU MITA 2 6:31

Ki datu in nomaḷú, “Singgai doman naa ki Elisa in mustibí matoi. Pobiódon mako ki Allah in mohukum kobogaton totok aka diá ḻimodonku in ki Elisa!”

MAZMUR 141:5

Aka intau mopia monoboḷow kon inakó bo takin gina motuḻid mosambok kon inakó, tua in naonda bo ḷana inta totok in mopia kon inakó. Igumon mako in diá indoíonku intua, sin akuoi in umuran mosambayang monayow kon aid monia moraat.

YEREMIA 38:14

Kon singgai tobatú, ki Datu Zedekia nopotabá kon intau nodia kon inakó minayá in tayowonnea kon ngara intoḷunea kon Baḷoi Tuhan. Sia in noguman kon inakó, “Akuoi in moḻibó kon inimu, bo iko in mustibí motubag kon inakó taran-tarangan. Dikabí mobuni kon onu bo onu.”

YEREMIA 42:4

Akuoi in notubag, “Mopia aka natuabí. Tarimaanku onu in pinoigum tua. Mosambayang in akuoi kon i Tuhan Allah naton, bo onukabí in potubag-Nea, potaaukubí komintan; tobatúmai yo diábí bunionku kon inimu.”

DANIEL 4:19

Nokodongogmai kon tua, ki Daniel inta dinonoi doman ki Beltsazar, noitaḻikokog bo noitongau notoyong. Dá akuoi, ki Datu Nebukadnezar in noguman kon inia, “Beltsazar, dikabí moḻia-ḻiaw in ginamu popisí in togoindop takin mangaḻenea tua.” Ki Beltsazar in notubag, “Tuangku, mopia-piabí aka kuma bo bayongan inta mobaḻí inta sinoḻindap in togoindop tatua bo moiuma kon musung mita i Tuangku bo deeman kon i Tuangku.

MIKHA 2:7

Dika morai kon umat in Israel in kinutukdon i Tuhan! Ki Tuhan in diábí mogaid kon natua mita. Sia in diábí mokoimontanmai in koinggamáan in sabar-Nea. Sia in mosingogbí takin pia-pia mako kon intau mita inta mogaid kon inta moitutui?”

PINOGIAPAN 23:17

Dá nobuidon in ki Bileam bo kinobayáanneamai in ki Balak sinimindogpa doman mako kon diug in kuruban payongonnea, noyotakin in itoi mita in intau in Moab. Ki Balak noḻibó mongo onu in pinoguman i Tuhan,

MATIUS 26:63

Táe ki Yesus tongábí kibio-biómai. Bo imang moḷoben tatua in noguman kon i-Nia: “Popodoyon kon i Allah inta nobiag, yo pogumankadon kon inami, mongo Iko degá in ki Mesias ki Adí i Allah, andeka, deeman?”

RUT 1:17

Kon ondakabí in kopatoian i Iná, yo kon tua doman in kopatoianku bo poḷobongan kon inakó. Igumon mako ki Tuhan mohukum kon inakó kobogaton totok, aka akuoi moibog moyoguat i Iná, koḻikudbí in popatoi in mopoyoguat kon i naton!”

SAMUEL 1 14:44

Guman i Saul kon inia, “Poigumon mako akuoi hukumon i Allah aka iko diá hukumon matoi, Yonatan!”

SAMUEL 1 20:13

Aka sia moniat mopogutú kon inimu, yo notantúbí doman kon potaaukubí doman kon inimu sinbá mokoḷagui in iko. Igumon mako ki Tuhan moḻimod kon inakó aka tua bo diá pomiaanku. Poigumon mako ki Tuhan motuḷung kon inimu ná doman pinototuḷung-Nea kon i amáku koḻipod!

SAMUEL 1 25:22

Igumon mako ki Allah in moḻimod kon inakó aka diá ḻimodonku komintan in bayongan ḷoḷaki kon tua kon dodai in mata in singgai momukádon!”

SAMUEL 1 3:16

táe ki Eli in nogoiní kon inia, kainia, “Samuel, adíku.” Tubag i Samuel, “Ya, Amá.”